Лойиха Молиявий ҳисоботнинг халқаро стандартлари бўйича молиявий ҳисобот

---

Лойиха 
 
 
Молиявий ҳисоботнинг халқаро стандартлари бўйича молиявий ҳисобот 
тайёрлайдиган ташкилотлар учун бухгалтерия ҳисобининг намунавий 
счётлар режаси
Молиявий ҳисоботнинг халқаро стандартларига бўйича молиявий ҳисобот 
тайёрлайдиган ташкилотлар учун бухгалтерия ҳисобининг намунавий счётлар режаси 
(кейинги ўринларда - Намунавий счётлар режаси) Ўзбекистон Республикасининг 
“Бухгалтерия ҳисоби тўғрисида”ги Қонуни, Ўзбекистон Республикаси Президентининг 
_____________ ва Молиявий ҳисоботнинг халқаро стандартлари асосида ишлаб чиқилган. 
 
§ 1. УМУМИЙ ҚОИДАЛАР 
1. Намунавий счётлар режаси, мазкур Намунавий счётлар режасига 1-иловага 
мувофиқ, активлар, мажбуриятлар, хусусий капитал, даромадлар ва харажатлардан иборат 
молиявий ҳисобот элементларига мувофиқ гуруҳлаштирилган бухгалтерия ҳисоби 
счетларининг йиғиндисини ташкил этади. 
2. Ташкилотлар, банклар ва бошқа кредит ташкилотлари, суғурта ташкилотлари ва 
бюджет ташкилотларидан ташқари, Намунавий счётлар режаси асосида ташкилотнинг 
ҳисоб сиёсатида акс эттирилиши лозим бўлган молиявий ҳисоботнинг халқаро 
стандартлари (кейинги ўринларда – МҲХС) бўйича бухгалтерия ҳисобининг ишчи 
счётлар режасини тузади.
3. Намунавий счетлар режасида бухгалтерия ҳисоби счетларининг рақами тўртта 
сонни ўз ичига олади. Рақамнинг биринчи сони бўлимларга тегишли эканлигини, иккинчи 
сони – кичик бўлимларга тегишли эканлигини, учинчи сони – систетик счетлар гуруҳига 
тегишли эканлигини кўрсатади, тўртинчи сони – ташкилотлар томонидан мустақил 
белгиланади. Ташкилотлар амалий эҳтиёждан келиб чиққан ҳолда бухгалтерия ҳисоби 
моддаларининг таснифини қўшимча рақамлар билан кенгайтириши мумкин. 
4. Намунавий счетлар режасига Изоҳларда, мазкур Намунавий счётлар режасига 2-
иловага мувофиқ, хўжалик операцияларини акс эттирувчи ҳисоб бирликлари келтирилган. 
Ушбу Намунавий счетлар режаси МҲХСга асосланган бухгалтерия ҳисоби тамойилларига 
мувофиқ фойдланилади.