Лойиха Молиявий ҳисоботнинг халқаро стандартлари бўйича молиявий ҳисобот

9-бўлим. Балансдан ташқари счетлар 
54. 9-бўлим “Балансдан ташқари счетлар” 
қуйидаги счетларни ўз ўз ичига 
олади:
9010 – “Маъсулиятли сақлашда бўлган мулклар” счёти маъсулиятли сақлашга 
қабул қилинган мулкларнинг мавжудлиги ва ҳаракати тўғрисидаги маълумотларни 
умумлаштириш учун мўлжалланган; 
9020 – “Ҳисобдан чиқарилган қарзлар” счети қуйидагилар тўғрисидаги 
маълумотларни умумлаштириш учун мўлжалланган: 

қарздорларнинг тўлашга қобилиятсизлиги туфайли зарарга ҳисобдан чиқарилган 
дебиторлик қарзларининг ҳолати; 

мажбурият ва тўловларнинг бажарилишини таъминлаш учун олинган 
кафолатларнинг мавжудлиги ва ҳаракати; 

мажбурият ва тўловларнинг бажарилишини таъминлаш бўйича берилган 
кафолатларнинг мавжудлиги ва ҳаракати; 
9030 – “Муддатли солиқ имтиёзлари (турлари бўйича)” счёти вақтинчалик солиқ 
солишдан озод этилган, мақсадли ишлатилиши назарда тутилмаган бўшаган 
маблағларнинг мавжудлиги ва ҳаракати тўғрисидаги маълумотни умумлаштириш учун 
мўлжалланган. 
9040 – “Молиявий ижара шартномаси бўйича берилган мулклар” счёти молиявий 
ижара шартномаси бўйича ижарага берилган мулкларнинг мавжудлиги ва ҳаракати 
тўғрисидаги маълумотларни умумлаштириш учун мўлжалланган.
9050 – “Шартли активлар ва мажбуриятлар”да узоқ муддатли шартли активлар ва 
мажбуриятлар мавжудлиги ва ҳаракати тўғрисидаги маълумотни умумлаштириш учун 
мўлжалланган.