Лойиха Молиявий ҳисоботнинг халқаро стандартлари бўйича молиявий ҳисобот

 
15. 2400 – “Жорий солиқлар ва йиғимлар бўйича активлар” кичик бўлим
бюджет билан ҳисоблашишларда ортиқча тўланган солиқлар ва йиғимлар суммаси ва 
бўнак тўловларининг ҳамда тақдим қилинган счет-фактура бўйича ҳисобга олинадиган 
қўшилган қиймат солиғи суммасининг қуйидаги счетлар гуруҳини ўз ичига олади: 
2410 – “Фойда солиғи бўйича активлар” бюджетга ортиқча тўланган фойда 
солиғини акс эттириш билан боғлиқ операциялар ҳамда фойда солиғини тўлаш бўйича 
бўнак тўловлар ҳисоби учун фойдаланилади; 

---

2420 – “Жисмоний шахслардан олинадиган даромад солиғи бўйича активлар” 
бюджетга ортиқча тўланган даромад солиғини акс эттириш билан боғлиқ операциялар 
ҳамда даромад солиғини тўлаш бўйича бўнак тўловлар ҳисоби учун фойдаланилади; 
2430 – “Қўшилган қиймат солиғи бўйича активлар” ҳисобга олинадиган жумладан, 
солиқ қонунчилигига мувофиқ қоплаб бериладиган қўшилган қиймат солиғи ҳамда 
бюджетга ортиқча тўланган қўшилган қиймат солиғи суммаси бўйича операциялар ҳисоби 
учун фойдаланилади; 
2440 –“Бюджетга бошқа солиқлар ва йиғимлар бўйича активлар” Ўзбекистон 
Республикаси солиқ қонунчилигига мувофиқ ҳисобга олинадиган ва (ёки) қоплаб 
бериладиган бошқа солиқлар ва йиғимлар ҳисоби учун фойдаланилади.
 
 
16. 2500 – “Пул маблағлари ва уларнинг эквивалентлари” кичик бўлими
пул 
маблағлари ва уларнинг эквивалентларининг қуйидаги счетлар гуруҳини ўз ичига олади: 
2510 –“Кассадаги пул маблағлари” хорижий ва миллий валюталардаги кассадаги 
пул маблағларининг харакати ҳисоби учун фойдаланилади;
2520 – “Банк жорий ҳисобварағларидаги пул маблағлари” банк ҳисобварағларидаги 
хорижий ва миллий валютадаги пул маблағлари харакати ҳисоби учун фойдаланилади;
2530 – “Йўлдаги пул маблағлари” айирбошлашдаги ва йўлдаги пул маблағлари 
харакати ҳисоби учун фойдаланилади; 
2540 
– “Фойдаланилиши чекланган пул маблағлари” кассадаги, банк
ҳисобварағларидаги фойдаланилиши чекланган пул маблағларининг жорий қисмининг 
ҳисоби учун фойдаланилади; 
2550 – “Электрон пул маблағлари ҳисоби” тизимдаги электрон пул маблағлари 
ҳисоби учун фойдаланилади; 
2560 – “Бошқа пул маблағлари ва уларнинг эквивалентлари” юқоридаги гуруҳларда 
кўрсатилмаган бошқа пул маблағлари ҳисоби учун фойдаланилади;
2570 – “Пул маблағлари ва уларнинг эквивалентларининг қадрсизланиши бўйича 
резерв” пул маблағлари ва уларнинг эквивалентларининг қадрсизланиши бўйича 
резервлар ҳисоби учун фойдаланилади.