Лойиха Молиявий ҳисоботнинг халқаро стандартлари бўйича молиявий ҳисобот

 
2. 1100-“Номоддий активлар” кичик бўлими 
қуйидаги счетлар гуруҳини ўз 
ичига олади: 
1110 – “Гудвилл” инвестиция моддасининг қисми сифатида, гудвилнинг 
мавжудлиги ва ҳаракати билан боғлиқ операциялар ҳисоби учун фойдаланилади; 
1120 – “Бошқа номоддий активлар” ташкилот фаолиятида қўлланиши ва характери 
бўйича ўхшаш активлар гуруҳи ҳисобга олинади, масалан: савдо маркалари, ном ва нашр 
қилиш ҳуқуқи, компютер дастурий таъминоти, лицензиялар ва франчайзлар, муаллифлик 
ҳуқуқи, патентлар ва саноат мулкига бошқа ҳуқуқлар, хизмат кўрсатиш ва фойдаланиш 
ҳуқуқлари, рецептлар, формулалар, моделлар, чизмалар ва тажриба намуналари, ишлаб 
чиқиш жараёнида бўлган номоддий активлар ҳисоби учун фойдаланилади; 
1130 – “Бошқа номоддий активларнинг амортизацияси” номоддий активларнинг 
жамланган амортизация суммаси ҳисоби учун фойдаланилади. Фойдали хизмат муддати 
ноаниқ бўлган номоддий активларга амортизация ҳисобланмайди, лекин ҳар йили 
қадрсизланишга тестдан ўтказилади; 
1140 – “Гудвилл ва бошқа номоддий активларнинг қадрсизланиши бўйича резерв”
гудвилл ва бошқа номоддий активларнинг қадрсизланиши бўйича баҳоланган резервлар 
ҳисоби учун фойдаланилади; 
1150 – “Фойдаланиш хуқуқидаги активлар” номоддий активни тан олиш 
меъзонларини қаноатлантирадиган, ижарага олинган активлардан фойдаланиш 
ҳуқуқининг қийматини ҳисобга олиш учун фойдаланилади акс эттирилади; 
1160 – “Фойдаланиш хуқуқидаги активларнинг эскириши” фойдаланиш хуқуқидаги 
активларнинг жамланган амортизация суммаси ҳисоби учун фойдаланилади; 
1170 – “Фойдаланиш хуқуқидаги активларнинг қадрсизланиши бўйича резерв” 
фойдаланиш хуқуқидаги активларнинг қадрсизланиши бўйича резервлар ҳисоби учун 
фойдаланилади; 
1180 – “Номоддий активларга капитал қўйилма” номоддий активлар ҳарид 
қилиниши ёки ташкилот ўзида яратилиши, шунингдек тажриба-конструкторлик ишлари 
натижасида капиталлаштириладиган сарфлар ҳисоби учун фойдаланилади; 
1190 – “Номоддий активларга капитал қўйилмаларнинг қадрсизланиши бўйича 
резерв” номоддий активларга капитал қўйилманинг қадрсизланишидан зарарлар бўйича 
баҳоланган резервлар ҳисоби учун фойдаланилади.