Лойиҳа матни 48576-(51956)

4-bob. Davlat xizmatchisining boshqa soha vakillari bilan xizmat munosabatlardagi xizmat
intizomi va odob-axloq qoidalari
39-modda. Davlat xizmatchisining rahbar va boshqa lavozimdagi
shaxslar bilan o
‘
zaro munosabatdagi odob-axloq
qoidalari
Davlat xizmatchisi rahbar va boshqa lavozimdagi shaxslar bilan munosabatlarda bo‘ysunuv va
o‘zaro hurmat qilish odob-axloq qoidalariga (ichki xizmat ustav) rioya qilishlari lozim.
Davlat xizmatchilari o‘zaro munosabatlarda mazkur Kodeksning
24 va 25-moddalarida belgilangan majburiyatlarga rioya qilishini ta’minlashi, hamkasblarining
majburiyatlarini bajarishga xalaqit bermasligi, kasbiy munosabat hamda davlat tashkilotining nufuziga

---

project.gov.uz
13.12.2021
16
zarar yetkazishi mumkin bo‘lgan xatti-harakatlardan o‘zini tiyishi lozim.
40-modda. Davlat xizmatchisi va davlat hokimiyati organlari
vakillari o‘rtasidagi odob-axloq qoidalari
Davlat xizmatchisi davlat tashkiloti nomidan o‘z faoliyatida qonun chiqaruvchi, ijro etuvchi, sud
hokimiyati organlari, shuningdek, boshqa davlat tashkilotlari bilan Qonunchilik hujjatlarida belgilangan
tartibda hamkorlik qiladi.
Davlat xizmatchisiga boshqa davlat tashkilotining davlat xizmatchilari tomonidan har qanday
ta’sir o'tkazilishiga yo’l qo‘yilmaydi.
41-modda. Davlat xizmatchisining ommaviy axborot vositalar
bilan munosabatidagi odob-axloq qoidalari
Davlat xizmatchisi ommaviy axborot vositalari vakillari bilan xushmuomala bo'lishi shuningdek,
davlat tashkilotining ish faoliyatini professional ommaviy axborot vositalari orqali yoritishga
ko'maklashishi hamda o'zaro hamkorlik qilishi lozim.
Agar Qonunchilik hujjatlarida boshqacha qoidalar nazarda tutilmagan bo‘lsa, davlat
xizmatchilari o‘z vakolatlari doirasiga kirmaydigan masalalar yuzasidan rasmiy ommaviy axborot
vositalari orqali tushuntirish berishga haqli emas.
Davlat xizmatchilari Internet Butunjahon axborot tarmog‘i va ijtimoiy tarmoqlardan shaxsiy
maqsadlarda foydalanish huquqiga ega. Biroq, davlat tashkilotlarining nufuziga yoki boshqa shaxslarning
sha’ni va qadr-qimmatiga zarar yetkazuvchi ma’lumotlarni tarqatmasligi kerak.
Agar ommaviy axborot vositalarida, telekommunikasiya tarmoqlari
yoki Internet butunjahon axborot tarmog‘i orqali davlat xizmatchilari faoliyati haqidagi ma’lumotlarni
tarqatish natijasida davlat tashkilotlarining ish faoliyati to‘g‘risida noto‘g‘ri fikr shakllansa, davlat
xizmatchisi rasmiy ommaviy axborot vositalari tomonidan bunday bayonotlarga qonunchilik hujjatlariga
muvofiq munosabat bildirishga haqli.
Agar davlat xizmatchisiga nisbatan ommaviy axborot vositalari orqali huquqbuzarlik sodir
etishda asossiz ravishda ayblov qo‘yilgan bo‘lsa, ular bunday ayblov aniqlangan kundan boshlab bir oy
ichida uni rad etish choralarini ko‘rishi kerak.
Davlat xizmatchisi sud organlariga o‘zlarining sha'ni va qadr-qimmatini himoya qilish uchun
murojaat qilish huquqiga ega.