Лойиҳа матни 28636-(28636)

---

project.gov.uz
06.02.2021
1
ЕДИНАЯ ЭЛЕКТРОННАЯ СИСТЕМА РАЗРАБОТКИ И
СОГЛАСОВАНИЯ ПРОЕКТОВ НОРМАТИВНО-
ПРАВОВЫХ АКТОВ
Проект
ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҚАРОРИ
Умумий ўрта, ўрта махсус таълим муассасалари ва касб-ҳунар мактаблари
битирувчиларининг баҳоларини олий таълим ташкилотига кириш имтиҳонларида инобатга
олиш тартиби тўғрисида
VQL-460/21
Ўзбекистон Республикаси Президентининг “Ўзбекистоннинг янги тараққиёт даврида
таълим-тарбия ва илм-фан соҳаларини ривожлантириш чора-тадбирлари тўғрисида” 2020 йил 6
ноябрдаги ПФ–6108-сон Фармонида белгиланган вазифалар ижросини таъминлаш ҳамда
абитуриентларни олий таълим муассасаларига ўқишга қабул қилишда кириш имтиҳонларини
такомиллаштириш мақсадида Вазирлар Маҳкамаси қарор қилади:
1. 2022/2023 ўқув йилидан бошлаб умумий ўрта, ўрта махсус таълим муассасалари ва
касб-ҳунар мактаблари битирувчиларининг шаҳодатномаси (аттестати) (диплом иловаси)га
мажбурий 11 йиллик таълимнинг сўнгги 6 йиллик баҳолари ўртача кўрсаткичи киритилиши ва
ушбу кўрсаткич 2023/2024 ўқув йилидан бошлаб олий таълим ташкилотига кириш имтиҳонларида
инобатга олиниши маълумот учун қабул қилинсин.
2. Тасарруфида умумий ўрта, ўрта махсус таълим муассасалари ва касб-ҳунар мактаблари
мавжуд бўлган вазирлик ва идоралар 2022/2023 ўқув йилидан бошлаб ўз битирувчиларининг
сўнгги 6 йиллик баҳоларини акс эттирувчи электрон платформани яратсинлар.
Бунда:
Ўзбекистон Республикаси Вазирлар Маҳкамаси ҳузуридаги Таълим сифатини
назорат қилиш давлат инспекцияси нодавлат умумий ўрта, ўрта махсус таълим муассасалари
битирувчиларининг баҳоларини акс эттирувчи электрон платформани;
Олий ва ўрта махсус таълим вазирлиги барча ўрта махсус таълим муассасалари ва касб-
ҳунар мактабларида 2022/2023 ўқув йилига қадар умумтаълим фанлари бўйича сўнгги 6 йиллик
баҳоларни акс эттирувчи электрон платформани;