Лойиҳа матни 17727-(18047)

44-модда. Миллий кадрлар захираси
Давлат аппаратини барқарор кадр билан таъминлаш, давлат фуқаролик хизмати таркибининг
сифатини яхшилаш, давлат фуқаролик хизматида меритократия принципини таъминлаш, давлат
фуқаролик хизматчиларининг профессионаллигини, узлуксиз малакасини ошириш, лавозим
бўйича ўсишда қўллаб-қувватлаш ва мониторинг қилиш мақсадида Миллий кадрлар захираси
шаклланади.
Миллий кадрлар захирасини бошқариш давлат фуқаролик хизмати ишлари бўйича ваколатли
орган томонидан амалга оширилади.
Миллий кадрлар захираси:
давлат фуқаролик хизматига кираётган номзодлар-фуқаролар;
давлат органи ва ташкилотларида давлат фуқаролик хизматини ўтаётган давлат фуқаролик
хизматчилари сонидан шаклланади.

---

project.gov.uz
11.03.2022
24
Миллий кадрлар захираси тизимини шакллантириш ва фаолият юритиш тартиби Ўзбекистон
Республикаси Президенти томонидан тасдиқланади.
45-модда. Давлат фуқаролик хизматчиларининг касбий компетенцияси
Давлат фуқаролик хизматчиларининг касбий компетенцияси давлат органи ва ташкилотининг
вазифаларини амалга ошириш учун етарли компетенцияни ўзлаштириш мақсадида белгиланади.
Касбий компетенциянинг асосий шакллари бўлиб, қайта тайёрлаш ва малакани ошириш
ҳисобланади.
Қайта тайёрлаш – давлат фуқаролик хизматчиларининг давлат органлари ва ташкилотларида
самарали фаолияти учун зарур бўлган янги касбий компетенцияларни эгаллаши ҳисобланади.
Малака ошириш – давлат фуқаролик хизматчиларининг касбий вазифаларини самарали бажариш
учун зарур бўлган, уларнинг малака даражаларини сақлаб туриш мақсадида касбий
компетенцияларини такомиллаштириш ҳисобланади.
Касбий компетенция – давлат фуқаролик хизматчиларига касбий фаолиятидаги масалаларни ҳал
қилиш учун зарур бўлган назарий билим ва амалий кўникмалар мажмуи ҳисобланади.
Давлат фуқаролик хизматчиларининг касбий компетенцияси давлат фуқаролик хизматини ўташ
даврида амалга оширилади.
Давлат фуқаролик хизматчиларининг қайта тайёрлаш ва малака оширишини ўтказиш тартиби
Ўзбекистон Республикаси Президенти томонидан белгиланади.