Лойиҳа матни 17727-(18047)

project.gov.uz
11.03.2022
18
органи ва ташкилотига бундай давлат органи ва ташкилотининг амалда бўлиши ёки бундай
вазифа ва функцияларни бажариш муддатига давлат лавозимига тайинланса.
Давлат фуқаролик хизматига илк бор кираётган номзодлар билан лавозимга лаёқатлилигини
текшириш мақсадида дастлабки синов муддати билан меҳнат шартномаси тузилиши мумкин.
29-модда. Давлат фуқаролик хизматчисининг шахсий иши ва шахсий маълумотларининг
ҳимояси
Давлат фуқаролик хизматчисининг шахсий иши шахсий ва автобиографик давлат фуқаролик
хизматини ўташ ҳақидаги маълумотлардан иборат. Давлат фуқаролик хизматчисининг шахсий
ишига таълим, ўқитиш, аттестация ва бошқа маълумотлар тикилади.
Давлат фуқаролик хизматчисининг шахсий иши давлат органи ва ташкилотинининг кадрлар
хизмати томонидан юритилади.
Давлат фуқаролик хизматчисининг шахсий ишига давлат фуқаролик хизматини ўташ билан
боғлиқ бўлмаган маълумотларни тўплаш ва киритиш таъқиқланади.
Давлат фуқаролик хизматчисининг шахсий ишидаги маълумотларни унинг розилигисиз бошқа
давлат фуқаролик хизматчиси томонидан ошкор қилиниши таъқиқланади ва қонун билан
белгиланган жавобгарликка тортилишига асос бўлади.
30-модда. Давлат фуқаролик хизматчисининг хизмат гувоҳномаси
Давлат фуқаролик хизматчисига белгиланган намунадаги хизмат гувоҳномаси берилади.
Хизмат гувоҳномаси учинчи шахсларга берилиши мумкин эмас.
Давлат фуқаролик хизмати тугаганда хизмат гувономаси уни берган давлат органи ва
ташкилотига қайтарилиши лозим.
7-боб. Давлат фуқаролик хизматини ўташ тартиби
31-модда. Давлат фуқаролик хизматини ўташ
Давлат фуқаролик хизматини ўташ давлат лавозимига тайинланган пайтдан бошлаб бошланади, у
давлат органи ва ташкилотининг буйруғи, фармойиши ва бошқа ҳужжатлари билан
расмийлаштирилади, шунингдек давлат органи ва ташкилотининг эгаллаб турган лавозимидан
озод қилиш ҳақидаги буйруғи, фармойиши ва бошқа ҳужжатларининг кучга кириши билан
тугатилади.
Давлат органи ва ташкилотида давлат фуқаролик хизматини ўташ меҳнат шартномаси асосида
амалга оширилади ва қуйидагилардан иборат:
давлат фуқаролик хизматчисининг лавозим йўриқномасини белгилаш;
давлат фуқаролик хизматчисининг фаолиятини режалаштириш;
хизматда ўсиш;

---