Лойиҳа матни 101708-(120387)

---

e-qaror.gov.uz
30.07.2021
1
2021 йил «30» июль
20-10-0-Q/21
Тошкент вилояти ҳокимияти
Тошкент вилоятида “Келажак лидерлари” клубини
ташкил этиш чора-тадбирлари тўғрисида
Ўзбекистон Республикаси Президенти ҳузуридаги давлат хизматини
ривожлантириш агентлигининг 2021 йил 9 июлдаги GZ58672537-сонли хатига асосан
вилоятдаги фаол ва ташаббускор ёшларни давлат фуқаролик хизматига қизиқтириш,
уларни ватанпарварлик руҳида тарбиялашга қаратилган ташкилий чораларни амалга
ошириш, истиқболли кадрлар селекцияси орқали жойларда юқори малакали давлат
фуқаролик хизматчилари қатлами ҳамда янги авлод кадрлар захирасини шакллантириш 
мақсадида ҳамда Ўзбекистон Республикаси “Маҳаллий давлат ҳокимияти тўғрисида”ги
Қонуннинг 6, 25-моддаларига мувофиқ, қарор қиламан:
1. Ўзбекистон Республикаси Президенти ҳузуридаги Давлат хизматини
ривожлантириш агентлиги ва Ёшлар ишлари агентлигининг Тошкент вилоятида “Келажак
лидерлари” клуби ташкил этиш тўғрисидаги таклифи маъқулланганлиги инобатга
олинсин.
2. Тошкент вилоятида “Келажак лидерлари” клуби ташкил этилсин ва Тошкент
вилояти “Келажак лидерлари” клуби тўғрисида”ги Низом иловага мувофиқ тасдиқлансин.
3. Вилоят ҳокимининг саноатни ривожлантириш, молия-иқтисодиёт ва
камбағалликни қисқартириш масалалари бўйича биринчи ўринбосари (М.Файзиев),
вилоят ҳокимининг ўринбосари (Н.Шарипов), вилоят ҳокимлиги ишлар бошқармаси
(А.Михманов), Давлат хизматини ривожлантириш агентлиги Тошкент вилояти филиали
(А.Хасанов) билан биргаликда:
ўн кун муддатда “Келажак лидерлари” клуби фаолиятини ташкил этиш учун зарур
бўлган бино, мебель жиҳозлари, компьютер жамланмаси ҳамда алоқа воситаси билан
таъминласин;
вилоят ҳокимининг ёшлар сиёсати, ижтимоий ривожлантириш ва маънавий-
маърифий ишлар бўйича ўринбосари (З.Миргазиева) “Келажак лидерлари” клуби
фаолиятини доимий равишда мувофиқлаштириб борсин ва унинг самарали фаолият

---