Lishaynikler bólimi- lichenophyta Uliwma túsınik

Lishayniklerdiń morfologiyasi hám anatomiyalıq dúzilisi.

Lishayniklerdiń formasi hám kólemi hárqiyli. Olardıń úlkenligi birneshe millimetrden onlap santımetrge shekem jetıwi múmkin. Lishaynikler tırishılik formalarına kóre úsh tıykarǵı morfologiyalıq tıpte bolıwı múmkin: jabisqaq (qatıwshı), japıraq siyaqli, putasiyaqli (41–súwret). Jabisqaqlar eń ápiwayi dúzilgen bolıp, substratqa bekkem birikken. Substratqa rizinlar dep atalatuǵın zamarriq gifleri menen jabisip turadi. Lishayniklerdiń anatomiyalıq dúzilisi jaǵınan eki tıpke bólınedi: gomeomer hám geteromer. Biraz ápiwayi dúzilgeni gomeomer lishayniklerde fikobiont kletkaları bir tegis tarqalǵan hám olar ajiratıp shıǵaratuǵın shılimshıqta hámme tárepke zamarriq gifleri ótedi (42–súwret).

Buǵan misal etıp kollema- Colloema túrin kórsetıwge boladı. Geteromer lishayniklerdiń anatomiyalıq dúzilisi ústıngi hám astınǵı qabiq, suwotlar zonasınan (al`gal` gifleri gonial qabat) ózek, rizinlerden turadi. Joqarı tárepten zamarriq gifleriniń tıǵızlaniwinan payda bolǵan ústıngi qabat penen qaplanǵan. Bul plektenxima bolıp esaplanadi (43–súwret). Plektenximadan tallomniń ishıne qarap, gifler jaylasadi. Olardıń aralarında bolsa fikobiont kletkalar- suwotlar zonasın payda etedi. Jánede ishkerireginde jińishke ózek jaylasqan bolıp, ol siyrek zamarriq giflerinen hám iri hawa menen tolǵan boslıqlardan ibarat. Astınǵı táreptegi qabat arqali zamarriq gifleri shıǵadi hám olar járdeminde lishaynikler substratqa birigedi. Geteromer dúziliske iye bolǵan lishayniklerde misali, usneya-Usnea, alektoriya -Alestoria túrleriniń kesiminde qabat, ózek hám suwotlar zonasın kóriw múmkin. Jabisqaq lishaynikler substrat penen tıǵız birikkenliginen astındaǵı qabat bolmaydi. Lishayniklerdiń hár biri ishınde olardıń anatomiyalıq dúzilisi jaǵınan joqarı hámde ápiwayi dúzilgen tallomların ushıratıw múmkin.