Linux os matn muharrirlari Reja: 1

Linux OS matn muharrirlari
Reja:
1 Linux OS va uning afzalliklari. Asosiy buyruqlari.
2 Matn muharrirlarining turlari
3 nano matn muharriri
4 Xulosa
5 Adabiyot va qo'shimcha materiallar

Linux OS va uning afzalliklari. Asosiy buyruqlari.
Linux - bu operatsion tizim hisoblanib xuddi Windows kabi ishlaydi, ammo undan ko’ra xafvsiz operatsion tizimdir. Windowsda virusni yuqtirish oson bo’lib, Linuxda bu deyarli mumkin emas. Eng asosiysi bepul va har bir jarayonni foydalanuvchining o'zi boshqaradi. Bu tizimni almashtirib bo'lmaydigan va avtomatik yangilashlardan holi bo’lgan muhitda ishlash imkonini beradi.
Linuxda birinchi marta ishlab ko’rayotgan foydalanuvchi uni tushinishga biroz qiynaladi, chunki operatsiyalarning asosiy qismi buyruqlar satrida amalga oshiriladi. Mazkur mavzuda ushbu operatsion tizimning oddiy amallari bajarish ya’ni boshqa katalogga o’tish, fayllarni nusxalash, katalog ochish singari amallarni bajarishdan boshlaymiz.
Eng avval siz Linuxda qaysi katalogda ishlayotganligingizni bilishingiz uchun pwd (Print Working Directory - ishchi katalogni ko’rsatish) buyrug’ini berish lozim. Bu asosan operatsion tizimdan foydalanish jarayonida ekranimizda buyruqlar satridan boshqa hech narsani ko’rmayotgan vaqtimizda foydalanamiz. Mazkur katalogda qanday fayllar va papkalar borligini bilishimiz uchun ls (list-“ro’yxat” so’zining qisqartmasi) buyrug’ini beramiz. Bu bizga joriy katalogning tarkibini ko’rish imkonini beradi. (1-rasm)

1-rasm. ls buyrug’ini berish jarayoni
ls buyrug’dan so’ng l buyrug’ini berish yoki ls -l ko’rinishida ishlatish mumkin. Bu buyruq orqali katalog tarkibidagi elementlar haqida ko'proq ma’lumot beradi. Ya’ni berilgan ma’lumotda fayl yaratilgan sana, uning hajmi, muallifini va faylga berilgan huquqlar singari ma’lumotlarni ko'rsatadi. (2-rasm)