Lingvomádeniyat

Til konstrukciyalari – paradigmalardıń tiykarı bolıp, bahalı túsiniklerden ibarat boladı.

Mentalliq – ana tili kategoriyaları hám konstrukсiyaları arqalı dúnyanı qayta tiklew esaplanadı.

Mádeniy dástúrler – integrallıq qubılıs bolıp, onda sociallıq stereotiplesken tájiriybe óz kórinisin tabadı.

Mádeniy fond – belgili bir mádeniyattıń tipik wákili iyelegen milliy hám dúnyalıq mádeniyat saǵasındaǵı bilimler kompleksi esaplanadı. Biraq, bunda jeke tiyislilik emes, bul milliy mádeniyatqa tán baslı birlikler jıyındısı ekenligi esapqa alınadı.

Milliy qádiryatlar – belgili bir xalıqtıń, ruwdıń yáki millettiń ómiri, turmıs tárizi, ótmishi, keleshegi, házirgi waqıttaǵı sociallıq jaǵdayı menen baylanıslı bolǵan, adamlar ortasındaǵı qarım-qatnaslar ushın payda keltiriwsh zatlar, hádiyseler, is-háreketler jıynaǵı; shaxslar hám sociallıq toparlar iskerligine tiyisli ólshemlerge salıwshı mánawiy hádiyse.

11-tema Lingvomádeniy koncept. Glossariy

Koncept – bul latın tilinen alınıp, “túsinik” degen mánini bildiredi. Kognitiv til biliminde insan sanasınıń mental hám ruwxıy imkaniyatları, onıń bilimi hám tájiriybesin sáwlelendiriwshi xabarlaw sisteması.

Mentallıq – latın tilinen alınǵan bolıp, insan sanası hám oyına qatnaslı túsinik. Milliy xarakterdiń intellektual mánawiy qásiyetlerin ózinde birlestiretuǵın, ana tili kategoriyaları hám formalarındaǵı dúnyaqarastıń kórinisi.