N-I shaklni rasmiylashtirish.
Mashg‘ulot maqsadi: Baxtsiz hodisani tekshirish holatini o‘rganish va baxtsiz hodisalarni kvalifikasiyalash.
Umumiy ko‘rsatma
Baxtsiz hodisalar ishlab chiqarishda asosan Kasaba uyushmasi rayosati tasdiqlagan ko‘rsatma bo‘yicha tekshiriladi va ushbu ko‘rsatma hamma tashkilot va korxonalar uchun majburiy hisoblanadi.
Ishlab chiqarishdagi baxtsiz hodisalarni va xodimlar salomatligini boshqa har xil zararlanishni tekshirish va hisobga olish to‘g‘risidagi O‘zbekiston Respublikasi Vazirlar Mahkamasining “Mehnatni muxofaza qilish to‘g‘risida”gi 1997 yil 6 iyundagi 286- sonli qarori bilan tasdiqlangan Nizomga asosan olib boriladi:
1. Oliy o‘quv yurtlari talabalari, o‘rta maxsus o‘quv yurtlari, litsey, kasb hunar kollejlari, maktablar o‘quvchilar bilan ta’lim jarayonida yuz bergan baxtsiz hodisalar. Mehnat vazirligi bilan kelishilgan holda Xalq ta’limi vazirligi tomonidan belgilangan tartibda tekshiriladi va hisobga olinadi.
2. Ishchi va xodimlar tomonidan korxona hududida va uning tashqarisida mehnat vazifasini bajarilayotganda (shuningdek, xizmat safarida) yuz bergan jaroxatlanish, zaxarlanish, kuyish, cho‘kish, elektr toki, yashin, issiq va sovuq urishi, portlash, halokat, imorat, inshootlar va konstruksiyalar buzilishi natijasida kelib chiqadigan jaroxatlanishlar, sudralib yuruvchi hayvonlar va xashoratlar tomonidan shikastlanish, shuningdek, tabiiy ofatlar (er qimirlash, o‘pirilish, ko‘chkilar, kuchli suv toshqini, to‘fon va boshqalar) natijasida inson salomatligini yo‘qotsa tekshiriladi.
Jumladan:
Ish berivchi topshiriq bermagan bo‘lsa ham korxona manfaatini ko‘zlab ishni amalga oshirayotganda;
Avtomobil, temir yo‘l va havo yo‘llari; dengiz va daryo transporti elektro transportlarda yo‘l halokati sodir bo‘lsa;
Korxona transportida yoki shartnoma (buyurtmalarga) muvofiq o‘zga tashkilot transportida ishga ketayotganda yoki qaytayotganda;
Ish vaqtida shaxsiy transportida xizmatga oid safarlarda xizmat yuzasidan jamoa transporti yoki piyoda ketayotganda;
SHanbalik (yakshanbalik) o‘tkazilayotganda bo‘lgan baxtsiz hodisalar;
Ish vaqtida mehnat vazifasini bajarilayotganda boshqa jamoa tomonidan tan jaroxati etkazilsa;
Tekshirilib N-1 dalolatnoma tuziladi.
1.Tabiiy o‘lim, o‘zini o‘zi o‘ldirish, jinoyat sodir etayotganda shikastlanish holati (sud-tibbiy ekspertiza xulosasi yoki tergov organlarining ma’lumotiga ko‘ra) tekshirilmaydi va hisobga olinmaydi.
Ishlab chiqarishda baxtsiz hodisa natijasida xodimning mehnat qobiliyati kamida 1 kunga yo‘qotilsa tibbiy xulosaga muvofiq, N-1 dalolatnoma tuziladi. Dalolatnoma 4 nusxada tuzilib korxonada 45 yil saqlanadi.
Ish beruvchi tekshirish tugagandan keyin 3 sutkadan kechiktirilmay jabrlanuvchiga yoki boshqa mas’ul shaxs tilidan rasmiylashtirilgan baxtsiz hodisa to‘g‘risidagi N-1 shakldagi dalolatnomani berish shart. Buning uchun ish beruvchi javobgardir. Ish beruvchi N-1 dalolatnomasini tuzishdan bosh tortishi yoki jabrlanuvchi tomon uning mazmunidan norozi bo‘lsa, jabrlanuvchi yoki uning manfatini himoya qiluvchi shaxs korxona kasaba uyushmasi yoki korxona xodimlarining boshqa vakillik organlariga murojaat qiladi.
Kasaba uyushmasi murojaatni 10 kun ichida ko‘rib chiqib aniqlaydi, zarur bo‘lsa, dalolatnoma qayta tuziladi.
N-1 dalolatnoma tuzilmaganda yoki noto‘g‘ri tuzilganda davlat mehnat texnika nazoratchisi uni qayta tuzishni talab etish huquqiga ega.
Do'stlaringiz bilan baham: |