Lim vazirligi guliston davlat universiteti

Transport va tashqi iqtisodiy aloqalar. 2000 yilda barcha transport vositalari bilan 52,9 mln. tonna halq xo’jaligi yuklari jo’natilgan (yuk oboroti 1346 mln. tonnaG’ km), shundan avtomobil transporti 49,4 mln. tonna (443,4 mln. tonnaG’km), temir yo’l, yuqoridagilarga mos ravishda 3,5 mln. tonna va 902 mln. tonnaG’km. 1999 yilda esa 62,0 mln.
Tonna yuk tashilgan, yuk oboroti o’rtacha 1290 mln. tonnaG’km bo’lgan.
Qoraqalpog’iston hududidan O’zbekistonni Rossiya bilan bog’lovchi Taxiyatosh —Beynau temir yo’li o’tadi. Shu bilan birga keyingi yillarda Nukus—Chimboy temir yo’li ham qurilib ishga tushirilgan va Qo’ng’irot-Nukus— Chimboy yo’nalishi bo’yicha yo’lovchilar tashilmoqda. Ayni vaqtda Uchquduk—Miskin—Nukus temir yo’li qurildi, Nukus—Beynau avtomobil yo’li ham qurib bitirilmoqda. Ular to’la ishga tushgach Qoraqalpog’iston Respublikasi mamlakatimizning boshqa hududlari bilan bevosita bog’lanish imkoniyatiga ega bo’ladi.
Tashqi savdo oboroti 110 mln. AQSh dollariga teng, shu jumladan, eksport 52,6 va import 56,5 mln. dollar. Eksportning 80 — 85 foizi paxta tolasiga to’g’ri keladi, importda esa mashina va asbob-uskunalar, oziq-ovqat maxsuloti asosiy o’rinni egallaydi. Ta’kidlash joizki, yildan-yilga paxta tolasining eksportdagi ulushi kamayib bormoqda. Masalan, u 1998 yilda jami eksport qiymatining 92,6 foizini, 1999 yilda 86,5 foizini tashkil qilgan bo’lsa, 2000 yilga kelib bu ko’rsatkich 82,3 foizga teng bo’ldi. Iqtisodiy aloqalar Hamdo’stlik mamlakatlari va qisman «Uzoq» xorij davlatlari bilan olib boriladi (Shveytsariya, Buyuk Britaniya, Belgiya, Rossiya, Qozog’iston bilan).
Ichki tafovutlari. Qoraqalpog’iston hududi to’rtta asosiy iqtisodiy rayonlarga bo’linadi: g’arbiy, sharqiy, markaziy va janubiy. Bundan tashqari, Mshynoq va Bo’zatov tumanlari doirasida shimoliy rayon ham ajratilishi mumkin.
Belgilangan hududiy tarkiblar orasida g’arbiy, shimoliy va sharqiy rayonlarning iqtisodiy va demografik saloxiyati ancha past, markaziy va janubiy mintaqalar esa birmuncha rivojlangan.