Lim vazirligi guliston davlat universiteti

Qandolatchilik sanoatida turli shirinliklar va qandolat mahsulotlari ishlab chiqariladi. Masalan, konfetlar, karamel, shokolad, marmelad, undan pishirilgan qandolat mahsulotlari, sharq shirinliklari (novvot, parvarda, pechak) va boshqalar. O’zbekiston qandolat sanoatiga aloqador 60 dan ortiq korxona bor. Tarmoqning eng yirik korxonalari Toshkentdagi "O’rtoq" qandolat fabrikasi, Yangiyo’ldagi "Lazzat" birlashmasi, Farg’ona va Samarqand qandolat fabrikalaridir.
Sanoatning bu turini rivojlantirish aholining ehtiyojini qondirishga qaratilgan bo’lib, qand ishlab chiqarish uchun xom ashyo tarzida qand lavlagi etishtirishga kirishildi. Mamlakatimizning serquyosh iqlimiy sharoitida qand lavlagi o’simligining qandlilik darajasi yuqori bo’lishi tabiiy.
Shuning uchun ham hukumat rejalashtirish tashkilotlari qand lavlagi etishtirish miqyosini kengaytirishga alohida etibor bermoqda. Xorazm, Toshkent va Samarqandda hamda boshqa viloyatlarda qand lavlagi eqish kengaytirilmoqda, ularni qayta ishlab, qand-shakar ishlab chiqarishga kirishildi. 1995-1997 yillarda Turkiya firmalari bilan hamkorlikda Xorazm viloyatining Xazorasp tumanida shakar zavodi qurildi. Zavod sutkasiga 3 ming tonna qand lavlagini qayta ishlash quvvatiga ega.