Lim vazirligi guliston davlat universiteti

Asbobsozlik sanoati respublika mashnasozligida ma’lum ulushga ega. Asbobsozlik sanoatida mashinasozlik uchun qirquv va o’lchov asboblari, slesarsozlash asboblari va boshqa moslamalar tayyorlanadi. Tarmoqning asosiy korxonalari-Toshkent asbobsozlik va abraziv zavodlaridir.
Kimyo va neft-kimyo mashinasozligi mamlakat mashina indo’striyasining istiqbolli tarmog’iga aylanib bormoqda. Mazkur sanoat tarmog’ining eng yirik korxonasi 1941 yilda ishga tushgan Chirchiqdagi O’zbekiston kimyo mashinasozligi ("O’zbek-Kimyomash") zavodidir. Urushdan keyingi yillarda kimyo, mikrobiologiya, sellyuloza-qog’oz va boshqa tarmoqlar uchun uskunalar ishlab chiqargan. 1966 yildan zavod asosan kimyo mashinasozligiga ixtisoslashdi. Hozir kimyo uskunalari, trubakompressorlar ventillyatorlar, nasoslar tayyorlanadi.
Toshkent "Kompressor" zavodida kimyo va boshqa sanoat tarmoqlari uchun ko’chma kompressorlar ishlab chiqariladi. Namangan mashinasozlik zavodida neft va gaz quduqlari uchun sanoat armaturalari, po’lat, titan qopqoqlar, zanglamas surma qopqoqlar ishlab chiqariladi.
Samolyotozlik. Toshkent aviatsiya zavodi 1941 yili Moskva yaqinidagi Ximki shahridan ko’chirib keltirilgan korxona negizida bunyod bo’lgan. Urush yillarida Toshkent aviatsiya zavodida jangovar samolyotlar ishlab chiqarilgan.
O’rta Osiyoda yagona bo’lgan bu zavod urushdan keyin yo’lovchi va yuk tashishga ixtisoslashgan samolyotlar ishlab chiqara boshladi. Jumladan, 1958 yildan transport samolyotlari ("IL-14"), 1966 yildan "AN-22", 70-yillar boshlarida IL-76 samolyotlari tayyorlangan.
1992 yildan zavod mahalliy havo yo’llarida qatnashga mo’ljallangan 64 o’rinli yangi "IL-114" samolyotini chiqara boshladi. Ushbu samolyot 1999 yil may oyida sinovdan o’tdi va xalqaro havo yo’llarida qatnashga qo’yildi.
Mazkur zavod 1996 yil may oyidan "Toshkent aviatsiya ishlab chiqarish birlashmasi"ga aylantirilgan edi. Birlashma AQSh, Rossiya, Ukraina samolyotsozlik firmalari bilan hamkorlikda yangi tipdagi samolyotlar ishlab chiqarish ustida muhim tadqiqot ishlarini olib bormoqda.
O’zbekiston samolyotlari Xitoy, Rossiya va boshqa xorijiy mamlakatlarga eksport qilinmoqda. Samolyotsozlik sanoatida dunyodagi mashhur firma va kompaniyalar (jumladan, "Boing") bilan hamkorlik yo’lga qo’yilgan.