Қўлёзма ҳуқуқида Удк мавзу: электрон тижорат

КИРИШ 7
I БОБ. ЭЛЕКТРОН ТИЖОРАТ ВА УНИНГ НАЗАРИЙ АСОСЛАРИ 12
1.1.Электрон тижоратнинг ривожланиши ва унинг назарий асослари 12
1.2.Электрон тижоратнинг ривожланиши ва унинг хуқуқий асослари 22
1.3. Электрон тижоратни ташкил этиш ва тартибга солишнинг хорижий тажрибаси 28
I БОБ буйича хулосалар 40
II БОБ. ЎЗБЕКИСТОНДА ЭЛЕКТРОН ТИЖОРАТ ТИЗИМИНИ РИВОЖЛАНТИРИШНИНГ КИЧИК БИЗНЕС ВА ХУСУСИЙ ТАДБИРКОРЛИККА ТАЪСИРИ 41
2.1 Ўзбекистонда электрон тижоратни ташкил этиш ва тартибга солишга хизмат қилувчи омиллар таҳлили 41
II БОБ буйича хулосалар 64
III БОБ. ЎЗБЕКИСТОНДА ЭЛЕКТРОН ТИЖОРАТНИ РИВОЖЛАНТИРИШНИНГ тадбиркорликка таъсири ва истиқболлари 66
3.1 Электрон тижоратнинг тадбиркорликни ривожлантириш истиқболлари. 66
3.2. Ўзбекистонда электрон тижоратни ривожлантириш бўйича меъёрий-ҳуқуқий асосларни қўллаш имкониятлари. 76
III БОБ БЎЙИЧA ХУЛОСAЛАР 76
ХУЛОСА 78

КИРИШ

Диссертaция мaвзусининг aсослaниши вa унинг долзaрблиги. Ўзбекистон ривожланишининг стратегик мақсади ривожланишнинг инновацион йўли ҳисобланади. Мазкур мақсадга эришиш учун миллий иқтисодиётнинг барча тармоқларида, шу қаторда савдо соҳасида ахборот технологиялари ва Интернет глобал тармоғидан самарали фойдаланиш зарур.
Электрон тижорат илмий тадқиқотлар ўтказилиши ва кейинчалик уни ривожлантириш бўйича самарали чораларни ишлаб чиқиш керак бўлган фаолият янги соҳаси ҳисобланади.
Ўзбекистон Республикаси Ҳукумати кетма-кет тегишли қонунлар, қарорлар, фармонлар, йўриқномалар, низомлар ва ҳ.к. қабул қилиб республикада электрон тижорат кенгайиши учун қулай (иқтисодий, техник, ташкилий ва норматив) шароитлар яратди. Қабул қилинган ҳужжатлар иқтисодиётда электрон тижоратга тезкор ривожланиши учун ёрдам беради ва Ўзбекистонда электрон тижоратни самарали ташкил этиш ва ривожлантиришни таъминлайди.
Ўтган давр мобайнида мамлакат парламенти томонидан ахборот-коммуникация технологияларини ривожлантириш, жамиятни ахборотлаштириш, шунингдек, Ўзбекистон банк тизимига ахборот-коммуникация технологияларини жорий этишни тартибга солувчи "Ахборотлаштириш тўғрисида", "Телекоммуникациялар тўғрисида"ги қонунлар, ахборотнинг электрон шакли ривожига кенг йўл очиб берувчи "Электрон ҳужжат айланиши тўғрисида"ги, "Электрон тижорат тўғрисида"ги, "Электрон рақамли имзо тўғрисида"ги, "Электрон тўловлар тўғрисида"ги, "Автоматлаштирилган банк тизимида ахборот ҳимояси тўғрисида"ги ва "Ахборотлаштириш ва маълумотларни узатиш соҳасида содир этилган қонунга хилоф ҳаракатлар учун жавобгарлик кучайтирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида"ги қонунлар, Президентимиз ва ҳукуматнинг бир қатор қарорлари бу борадаги ислоҳотларни амалга оширишнинг пойдевори бўлиб келмоқда.
Электрон тижоратни кенгайтириш бўйича қўйилган давлат вазифаларини бажариш бўйича самарали чораларидан бирига Ўзбекистон Республикаси Вазирлар Маҳкамасининг 2015 йил 4 декабрда қабул қилинган 353-сонли “2016-2018 йиллар даврида Ўзбекистон Республикасида электрон тижоратни ривожлантириш концепциясини тасдиқлаш тўғрисида” қарорини киритса бўлади. Ушбу ҳужжатда 2016-2018 йиллар даврида мамлакатимиз иқтисодиётида электрон тижоратни ривожлантириш концепцияси тасдиқланган ҳамда уни амалга ошириш бўйича чора-тадбирлар комплекси тақдим этилган.
Концепцияда Ўзбекистон республика товар хомашё биржасининг махсус ахборот портали ҳамда давлат, корпоратив харидлар жараёнларини янада ривожлантиришга, шунингдек мамлакатимизда ишлаб чиқарилган товарларнинг экспортини кенгайтиришга қаратилган “Ташқи савдо фаолияти миллий портали” интернет-платформасини яратишга алоҳида эътибор берилган. Бундан ташқари, қабул қилинган Концепцияда Ўзбекистон иқтисодиётида электрон тижоратни муваффақиятли ривожлантириш бўйича бир қатор муҳим вазифалар қўйилган. Бизнинг фикримизча, келтирилган масалалар кўпчилигининг ечими илғор тажрибани ўрганиш натижавийлиги ва амалиётга тадқиқотларнинг илмий тавсиялар ва таклифлар шаклидаги муваффақиятли илмий натижалар татбиқ этилиши билан боғлиқ.