Lazzatli mahsulotlar sanoati xom ashyolari reja: Choyning kimyoviy tarkibi Choyning tayyorlash texnologiyasi

Kofe ichimliklari

Kofe ichimliklarini tayyorlashda sikoriy, dub yong‘og‘i, yong‘oqlar, kashtan, meva danaklarining mag‘zi, kakavella, arpa, suli, javdar, bug‘doy, soya, anjir va boshqalar xomashyo bo‘lib xizmat qiladi. Bu ichimliklar odatda xomashyoning bir necha turi aralashmasini kovurib va mayin tuyib tayyorlanadi. Hamma kofe ichimliklari ham yaxshi maydalangan kukun bo‘lib, bir xil to‘q jigarrangda, ta’mi, hidi va damlamasi o‘z naviga xos bo‘lishi kerak.

Qovurilgan donali kofe faner qutilarda, qoplar yoki qog‘oz xaltalarga, tuyilgan tabiiy kofe – 100, 150, 200, 250, 300 g dan tunuka banka yoki qog‘oz xaltachalarga, kofe ichimliklari – 100, 250 va 300 g dan qog‘oz xaltachalar yoki karton qutilarga qadoqlanadi. Qadoqlangan kofe va kofe ichimliklari markirovkasida quyidagi ma’lumotlar keltiriladi: mahsulotning nomi, tovar belgisi, ishlab chiqaruvchining nomi va manzili, mahsulotni tayyorlash bo‘yicha ko‘rsatmalar, standart belgisi, ishlab chiqarilgan va yaroqlilik muddati. Kofe va kofe ichimliklari toza, quruq, yorug‘, yaxshi shamollatib turiladigan va ombor zararkunandalaridan zararlanmagan omborlarda saqlanishi lozim. Tunuka bankalarga joylangan kofe uchun yaroqlilik muddati – 12 oy, qog‘oz qutichalarga joylangani – 6 oy, qog‘oz xaltacha va faner qutilarga joylangani – 3 oy, tez eriydigan kofe uchun – 6 oy.

Ta’m beruvchilar, ziravorlar, ularning assortimenti, qadoqlanishi, markirovkalanishi va saqlash sharoitlari.

Ta’m beruvchilar kuchli ta’m va mazaga ega bo‘lgan o‘simlik mahsuloti hisoblanadi. Ular ko‘pgina fermentativ jarayonlarning katalizatori bo‘lib, hazm qilishni aktivlashtirishlashtiradi, ovqatning mazalilik xususiyatlarini kuchaytiradi hamda tez hazm bo‘lishini ta’minlaydi. Tabiatda ta’m beruvchilarning 150 xildan ortiq turi aniqlangan bo‘lib, kadimdan ularning faqat ayrimlaridangina foydalanib kelinadi.

Ta’m beruvchilar quyidagi guruhlarga ajratiladi:

• Urug’li – xantal (gorchisa), muskat yong‘og‘i, muskat rangi;
• Mevali – vanil, garmdori (qora, oq, qizil);
• Gulli – qalampir munchoq, shafran;
• Bargli lavr yaprog‘i, rozmarin;
• Ildizli – imbir (Syeylon, Xitoy), kurkuma, kalgan.