Лaбoрaтoриядa риoя қилиниши керaк бўлгaн xaвфсизлик теxникaси қoидaлaри

Ацетилен асосида виниллаш реакциаларига хос тажрибалар
1- усул. Диэтиламинопропин-1 нинг синтези.
Қайтарма совутгич ва механик аралаштргич ва газ киритиш трубкаси билан жихозланган 500 мл хажмли юмалоқ тубли колбага 1 моль (119,5 г) диэтиламиннинг гидрохлориди, 1 моль (30 г) параформальдегид, 0,1 грамм (CuCl+ZnCl₂+BiCl₃=1:1:1) катализатор, 250 мл п-диоксан солинади. Электр печи ёрдамида температура 75-80⁰С температурага кўтарилади ва ушбу температурада 6 соат давомида тозаланган ва қуритилган ацетилен ўтказилади. Шундан сўнг эритмани 50 мл 10% ли К₂СО₃ эритмаси билан нейтралланади ва 100 мл диэтил эфири билан экстракция қилинади. Экстракт қуруқ К₂СО₃ билан қуритилади ва хайдаш мосламасида ректификация йўли билан хайдалади. Эритувчилар - диэтил эфири ва п-диоксан (34-37 ва 99-101⁰С) хайдалиб бўлингач 119-120⁰С да реакция махсулоти – 1-диэтиламинопропин-2 52% (57,7 г) оч сариқ рангли суюқлик хайдаб олинди.

2- усул. 1-Диэтиламинопропин-2 нинг ацетилен аминоспирти – 1иэтиламино-4-метилпропин-2-ол-3 ни К₂СО₃ иштирокида пиролиз қилиш орқали олиш.
Органик моддаларни хайдаш учун мўлжалланган қурилмада 50 мл ли Вюрц колбасига 16,9 г (0,1 моль) 1-диэтиламино-4-метилпропин-2-ол-3 ва 1,5 грамм К₂СО₃ солинади ва газ горелкаси ёрдамида олинган масса қайнагунча (150-160⁰С) қиздирилади ва шу захоти қабул қилиш колбасига суюқлик хайдалиб йиғилиб бошлайди ва бу жараён бор йўғи 30 минут давом этади. Хайдаб олинган аралашма яна қайта хайдалиши натижасида 119-120⁰С да 1-диэтиламинопропин-2 71,5% (11,1 г) хайдаб олинади. 
Фенилацетилен асосида каталитик синтезлар
3.4. п- Бромфенолнинг винил эфирини олиш методикаси
Механик аралаштиргич, қайтарма совутгич, термометр ва ацетилен киритиш учун шиша най билан жиҳозланган 250 мл ли юмалоқ тубли колбага 150 мл эритувчи ДМСО ва катализатор КОН дан 3,46 г (п-бром фенол массасига нисбатан 20%) солинди. Аралашма 125⁰С да тўхтовсиз равишда бир маромда аралаштирилади ва мос равишдаги суспензия ҳосил қилиб олинади ва қўшилади. 17,3 г (0,1 мол) пара- бромфенол ва ацетилен юборилади. Бунда ацетиленнинг юбориш тезлиги 3,25 л/соат. Ҳосил бўлган реакция маҳсулоти хона ҳароратигача совутилади кучсиз кислота иштирокида нейтралланади ва 50 мл диэтил эфир иштирокида бир неча марта экстракция қилинади. Экстракт эса 24 соат давомида К₂СО₃ билан қуритилади. Эритувчи (ДЭЭ) оддий шароитда ҳайдалиб, қолдиқ вакуумда фракцияларга ажратилди, натижада 35% унум билан пара- бромфенол винил эфири ажратиб олинади.