Лаборатория маш\улоти №1

Ишдан мақсад:
Резус факторни аниқлаш усулини ўзлаштириш. 
Идентив - ўқув мақсади: 
1.
Резус-фактор қаерда бўлишлиги тўғрисида тасаввурга эга бўлади. 
2.
Резус-мусбат ва рузус-манфий қоннинг қандай бўлиши, бир-биридан фарқи 
тўғрисида тушунча ҳосил қилади. 
3.
Резус-факторани аниқлаш усулини ўзлаштириб олади. 
Керакли жиҳозлар:
спирт, пахта, пинцет, нина, физиологик эритма, 
центрифуга, пробирка (5та), иситилган желатин (елимшак), стандарт зардоб 
(антирезус), бўлинмали пипетка, сув ҳаммоми, термометр, секундотер, пипетка. 
Назарий тушунча.
Одамга қон қуйишда фақат унинг қони қайси группага 
мансублигини аниқлаш етарли бўлмай, балки резус-факторга эга ёки эга 
эмаслигини ҳам билиш зарур бўлади. 1940 йили Ландштейнер ва Винер 
томонидан аниқланган бу фактор 85% одамлар қонида борлиги маълум. Бундай 
қон резус-мусбат қон дейилиб, резус-фактор бўлмаган қон резус-манфий деб 
юритилади. Қони резус-манфий бўлган одамлар 15% ни ташкил этади. 
Агар резус-мусбат қон, резус-манфий қон билан аралашса, агглютинация 
содир бўлади, бу ҳатто ўлимга сабаб бўлиши мумкин. 
 
Ишни бажариш тартиби
Синалувчи қўлининг тўртинчи бармоғи учини спиртга ботирилган пахта 
билан артиб, нина билан тешилади ва қон олинади. Қон 5-10 марта физиологик 

---

31 
эритма билан суюлтирилади ва 3-5 минут давомида центрифугаланади. Кейин 
суюқ қисми тўкиб юборилиб, эритроцитлари қолдирилади. Сўнгра учта пробирка 
олиб, биринчисига резус-мусбат, иккинчисига резус-манфий эритроцитлардан 
учинчисига текшириладиган эритроцитлардан бир томчи ҳажмда солинади. Ҳар 
бир пробиркага икки томчидан желатиннинг иситилган эритмасидан қўшилади. 
Пробиркалар 47-49°С ли сув ҳаммомига жойлаштирилиб, беш минут сақланади. 
Шундан кейин уларга 3 мл дан физиологик эритма қуйиб аралаштирилади. 
Пробиркаларда агглютинация бор ёки йўқлигига қараб, резус-фактор 
аниқланади. Агар аралашмада майда чўкма бўлса, эритроцитларда резус-фактор 
бор бўлади, агар аралашма қонга ўхшаш бўлса, бу резус-фактор йўқлигини 
кўрсатади.