Laboratoriya mashg’ulotlari tuzuvchilar

Kimyoviy va o`lchov shisha idishlar

Tajriba ishining mazmuniga va qanday sharoitda o`tkazilishiga qarab kimyo labarotoriyalarida turli xil idishlardan foydalaniladi. Ko`pincha shisha idishlardan (5-rasm): probirka (1), stakan (2), yassi tubli, yumalok tubli va konussimon kolbalar (3,4,5), voronka (6), byuks (7), soat oynasi (8) ishlatiladi. Bunday idishlardan kimyoviy reaksiyalarni o`tkazishda (probirkalar), eritmalar tayyorlashda va qaynatishda (stakanlar, kolbalar va soat oynasi), moddalarni sintez qilishda (kolbalar), moddalar va ular eritmalarini bir idishdan boshqa idishga quyishda yoki filtrlashda (voronkalar), moddalarni saqlashda (byukslar) hamda boshqa maqsadlarda foydalaniladi.

5-rasm. Kimyoviy shisha idishlar.

Oddiy kimyoviy shisha idishlar bilan bir katorda suyuqliklarning hajmini o`lchash uchun har xil hajmdagi o`lchov kolbalari (6- rasm), o`lchov silindrlari (7- rasm), pipetka, qisqichli va jo`mrakli byuretkalardan (8- rasm) foydalaniladi.

Bunday o`lchov idishlarida qaynatish, bug`latish, kimyoviy reaksiyalar va shunga o`xshash boshqa jarayonlarni o`tkazish mumkin emas.

Fizik kimyo laboratoriyalarida ishlatilgan idishlarni toza holatda saqlash, kelgusidagi tajribalarni aniq va to`g`ri bajarilishini ta’minlaydi. Shuning uchun talaba tomonidan tajribalarni bajarib bo`lingach, darhol ishlatilgan idishlarni laborant ko`rsatmasi bo`yicha, dastlab oddiy suvda yuvib, so`ngra distillangan suvda chayib, maxsus quritish moslamalarida quritilishi lozim.

LABORATORIYA MASHG’ULOTI № 2

MODDANING GAZ HOLATDAGI HAJMINI O’LCHASH YO’LI BILAN SHU MODDANING MOLEKULYAR OG’IRLIGINI TOPISH.

Ishdan kuzatiladigan maqsad: 1. Qizdirilganda ajralmay, gaz holatiga o’tadigan moddalarning molekulyar og’irliginitopishda qo’llaniladiganmetodlardan biri bilan tanishish.

2. Noma’lum moddaning molekulyar og’irligini topish.