Laboratоriya mashg’ulоti Mavzu: Shaxs (Budassingning O’z-o’zini baholash metodikasi) Maqsad

Laboratоriya mashg’ulоti
Mavzu: Shaxs (Budassingning O’z-o’zini baholash metodikasi)

Maqsad: Shaxsning o’z-o’ziga baho berish koyeffitsientini aniqlash.

Jihoz: Shaxs sifatlari va javoblar varag’i.

Ishning borishi:

Tajriba yakka holda Yoki guruh sharoitida olib borilishi mumkin. Tekshiriluvchiga quyidagicha ko`rsatma beriladi:

1. 
   «Shaxs xususiyatlarini ifodalovchi so’zlarni diqqat bilan o’qib chiqing, bu sifatlarni ijtimoiy ahamiyati, foydaliligi va yoqimliligiga ko`ra 20 balldan 1 ballgacha baholab chiqing hamda javoblar varag’ining chap tomonidagi N ustuniga yozib qo’ying. Bunda 20 ball eng ahamiyatli, eng foydali va eng yoqimli sifatga, 1 ball esa eng yoqimsiz, ahamiyatsiz va foydasiz sifatga beriladi. 19-2 ballar esa ahamiyatlilik darajasiga ko`ra har bir sifatga qo’yib chiqiladi. Hech bir baho ikki marta qaytarilishi yoki biror sifat baholanmay qolishi mumkin emas».
   
2. 
   «Tavsiya etilgan sifatlardan o’zingizga xos bo’lganini 20 ball, kamroq xos bo’lganini 19, umuman xos bo’lmaganini 1 ball tartibida baholab chiqing va javoblar varag’ining o’ng tomonidagi N ustuniga yozing».