Laboratoriya jumisi 1 Karbonat ha’m gidrokarbonatlardin’ bir-birine aylaniwi ha’mde qa’siyetleri menen tanisiw. Karbonat anionin bilip aliw Kerekli asbap ha’m reaktivler

11-Laboratoriyalıq jumıs
Alyuminiy duzları eritpeleriniń indikatorlarǵa tásirin úyreniw

Kerekli asbap ha’m reaktivler: garelka, probirkalar, alyuminiy xlorid eritpesi, ko’k ren’li lakmus, distillengen suw.
Jumis islew ta’rtibi:
1. Alyuminiy xlorid eritpesinen probirkaǵa 3 — 4 ml quyıń, ústine 2 — 3 tamshı kók reńli lakmus eritpesinen tamızıń: a) eritpeni 2 probirkaǵa bólip, birinshi probirkaǵa azıraq distilyaciyalanǵan suw quyıń. b) ekinshi probirkanı biraz qızdırıń.


Óz betinshe juwmaq shıǵarıw ushın tapsırma:
1. Payda bolǵan qubılıslardı baqlań hám túsindiriń. Alyuminiy xlorid eritpesin gidrolizlew teńlemesin basqıshlı kóriniste jazıń.


12-Laboratoriyalıq jumıs
Mıstıń eki valentli duzlarınan mıs (II)-gidroksidin alıw hám onıń menen tájiriybeler ótkeriw


Kerekli asbap ha’m reaktivler: probirkalar, filtr qag’az, distillengen suw, farfor tigel, garelka, mis (II)sulfat eritpesi, Natriy gidroksid eritpesi, xlorid kislota.


Jumis islew ta’rtibi:
1. Probirkaga 2 ml mıs (II) — sulfat eritpesinen quyıń hám oǵan áste-aqırınlıq penen natriy gidroksidi eritpesinen 1 — 2 ml quyıń. 2. Payda bolǵan qubılıstı baqlań. Shókpeni filtrleń. Juwıń. Payda bolǵan ximiyalıq reakciya teńlemesin jazıń. 3. Shókpe mıs (II)- gidroksid ekenligin dálillewshi tájiriybeni orınlań. a) Xlorid kislota tásir ettiriń. b) Shókpeniń bir bólimin farfor tigelge salıp, áste-aqırınlıq penen qızdırıń.


Óz betinshe juwmaq shıǵarıw ushın tapsırma:
1. Joqarıdaǵı tájiriybelerde payda bolǵan qubılıslardı túsindiriń. 2. 20 % li 4 g mıs (II) — sulfat eritpesi menen qaldıqsız reakciyaǵa kirisiw ushın qansha kólem 20 % li ( = 1,22 g/ml) natriy gidroksid eritpesin qosıw kerek? 3. Mıs (II) — gidroksidti qanday usıllar menen alıw múmkin?


13-Laboratoriyalıq jumıs
Cinktiń suwda eriytuǵın duzlarınan cink gidroksid alıw hám onıń amfoter qásiyetlerin dálillew