Лаборатория ишларини бажаришнинг умумий тартиби. Лаборатория ишларини бажариш қоидалари

Лаборатория ишларини бажаришнинг умумий тартиби.
1. Лаборатория ишларини бажариш қоидалари.
1.1 Лаборатория ишини бажаришга назарий курснинг тегишли қисмини ўрганиб чиқиш талаблари қўйилади. Акс холда, улар ўқитувчи белгилаган кун, соатда қайта синовдан ўтиб, ишга қўйилади.
1.2 Иш бажаришга рухсат олган талабалар лаборатория ускунасида берилган схемани йиғишади. Схема тўғрилигини ўқитувчи текширгандан сўнг, талабалар тажрибани бошлайдилар. Бунда олдиндан тайёрланган жадвалга олинган ўлчаш натижалари тўлдирилади.
1.3 Талабалар ишнинг натижаларини мустақил тахлил қилишади ва шу асосда хисобот тузишади. Хисоботда электр схемаларининг элементлари ГОСТ бўйича чизилиши шарт. Ҳамма боғланишларнинг эгри чизиқлари миллиметрли қоғозда лейкалалар ёрдамида бажарилиши керак.
1.4 Ҳар бир талаба кейинги машғулотга киришдан олдин, ўтказилган лаборатория ишининг хисоботини тайёрлаб, уни топширган бўлиши шарт. Акс холда, у лаборатория машғулотига қўйилмайди.
1.5 Лаборатория ускунасига етказилган моддий зарар учун талабалар тўла жавобгардирлар.
2. Лаборатория ишларини бажаришда техника хавфсизлик қоидалари.
2.1. Талабалар лаборатория машғулотига киришдан олдин техника хавфсизлиги қоидаларини ўрганишлари шарт. Техника хавфсизлиги қоидалари ўқитувчи томонидан ўргатилади ва бу кафедранинг махсус дафтарига қайд этилади.
2.2. Электр схемалари фақат химояланган ўлчовчи симлар ёрдамида йиғилади. Очиқ симлардан фойдаланиш қаътий ман этилади.
2.3. Лаборатория ускунасига кучланишни фақат ўқитувчи улаши мумкин.
2.4. Ўқитувчи текширмаган электр схемани, асбобни улаш мутлақо мумкин эмас.
2.5. Тажриба пайтида элект занжир элементларининг очиқ қисмларини улаш мумкин эмас.
2.6. Лаборатория тажрибаси тугагандан кейин кучланиш албатта узилиши керак ва буни ўқитувчи текширади.

1 - ЛАБОРАТОРИЯ ИШИ
ҲАР ХИЛ ТИЗИМДАГИ ЎЛЧАШ АСБОБЛАРИНИ ТЕКШИРИШ, ХАТОЛИКЛАРИНИ АНИҚЛАШ


Ишнинг мақсади: Хар хил ўлчаш воситаларини текшириш бўйича қурилма билан ишлашда кўникмалар ҳосил қилиш. Унинг тузилиши ва фаолият принципини ўрганиш.