Лаборатория иши №6 Bitum tarkibidagi suv miqdorini va suyuq bitumning shartli qovushqoqligini aniqlash

Лаборатория иши № 6


Bitum tarkibidagi suv miqdorini va suyuq bitumning shartli qovushqoqligini aniqlash.
Суюқ битумнинг қовушқоқлигини аниқлашда вискозиметр асбобидан фойдаланилади ва синов усуллари ГОСТ 11503 га биноан олиб борлади. Бунда синов ҳарорати 60 ºС бўлган 50 мл. битумнинг цилиндрнинг тагидаги 3-5 мм.ли тешикдан ўтиш вақтига қараб белгиланади ва шартли равишда С⁵₆₀ тарзида белгиланади.

Зарурий жиҳозлар:

Вискозиметр асбоби, 2 та термометр, секундомер, № 07 элак, 100 мл.ли шкалали шиша цилиндр, бензин.

Синовга тайёрлаш
Оқувчан ҳолатгача қиздириб сувсизлантирилган битум № 07 элакдан ўтказилади ва ҳаво пуфакчалари йўқолгунча аралаштирлади. Синовдан олдин битум баландлиги 15-20 мм.ли янги қиздирилган йирик кристалли туз ёки кальций хлорид ёрдамида фильтрлаб сувсизлантирилиши лозим.
Вискозиметр цилиндрининг ички қисми ва шарикли клапан бензин билан артилади ва қуритилади, цилиндрнинг оқим тешиги шарикли клапан билан ёпилади ва тагига шкалали шиша цилиндр қўйилади. Вискозиметр сувли ҳаммоми 61-62 ºС сув билан тўлдирилади ва термометр ёрдамида кузатилиб, зарурат бўлса қиздириш йўли билан ҳарорат ушлаб турилади. Ҳаммомдаги сув ҳарорати бир хилда бўлиши учун аралаштириб турилади.

	1- битумли цилиндр; 2-термометр; 3- сувли ҳаммом (d=160, h=100 мм);
6.1.-расм. Стандарт вискозиметр асбоби

Синов ўтказиш
Тайёрланган битум хона ҳароратигача совутилади ва камида 1 соат сақлаб турилади. Синов ўтказиш учун ҳарорати 62-63 ºС гача қайта қиздириб вискозиметр цилиндрига қўйилади ва термометр билан яхшилаб аралаштирилади. Битум ҳарорати 60±0,5 ºС га келганда аввал термометр ва сўнгра клапан олиб ташланади ва битум тагидаги шиша цилиндрга деворларига теккизмай қуйилади. Битум шиша цилиндрнинг 25 мл. кўрсатгичига келганда секундомер ишлатилиб ва 75 мл.га етганда тўхтатилади.
Суюк битумнинг шартли қовушқоқлиги секундларда 60 ºС ҳароратли 50 мл. битумнинг 5 мм тешикдан оқиб тушган вақтига тенгдир. Тажриба икки марта такрор ўтказилиб, натижаларининг ўртача қиймати олинади. Бунда натижалар фарқи қовушқоқлик 40 секундгача бўлганда 2 секунддан ошмаслиги, қовушқоқлик 40 секунддан юқори бўлганда кичик қийматнинг 10% дан ошмаслиги лозим. Тажриба натижаларидан олинган қийматларни Суюк битулар учун техник шартлар ГОСТ 11955 га биноан текширлади (Таблица 1).


Бажарди:
Қабул қилди: