Лаборатория иши №3 mоноэтаноламин эритмасининг таркибидаги углерод диоксидини аниқлаш

Углерод диоксидининг МЭА эритмасидаги эрувчанлигига температуранинг таъсири
3-жадвал

№	Кўрсатгичлар	Ўлчов бирлиги	Миқдорлар
1.	Темпратура	Келвин	303	348	413
2.	VCО2	м3 CО2 / м3 эритма	38.8	28.83	7.39

Бу маълумотлардан кўриниб турибдики, температуранинг ортиши углерод диоксидининг МЭА эритмасида эрувчанлигига тескари таъсир кўрсатар экан.
Mоноэтаноламиннинг 20,3% МЭА ли эритмасини 298 К температурада углерод диоксидини абсорбсиялаш қобилиятига углерод диоксидини улушли босимини таъсири қуйидаги 4-жадвалда кўрсатилган.
Углероддиоксидининг 20,3% ли эритмасидаги эрувчанлигига углероддиоксиди улушли босимининг таъсири
4-жадвал

№	Кўрсаткичлар	Ўлчов бирлиги	Миқдорлар
1.	ПCО2	МПа	0.025	0.101	0.294
2.	VCО2	м3 CО2 / м3 эритма	44.3	51.7	59.1

Бу маълумотлардан кўриниб турибдики, углерод диоксидининг улушли босимини ортиши бу газнинг ютилишига ижобий таъсир этар экан.

Mоноэтаноламиннинг 20,5 (масс.) % ли эритмасининг музлаш температураси 267 К, атмосфера босимидаги қайнаш температураси 374,8 К га тенг. МЕА эритмасининг бундай хоссаларидан фойдаланиб, углерод диоксидининг абсорбсиясини нисбатан паст температурада (303 К — 313 К) ларда, регенератция жараёнини эса эритманинг қайнаш температурасида олиб борилади. Газ аралашмасини углерод диоксидидан талаб даражасида чуқур тозалашга эришиш учун эритмани чуқур регенерацияцига эришиш мақсадида регенерацияни нисбатан паст босим 0,25-0,3 МПа да ва юқори температура 393 К - 403 К да олиб борилади. Бундай шароитда углерод диоксидини эритмадаги миқдори 7,5-8 CО2 / м3 эритмани ташкил этади. Пастроқ босим ва температураларда углерод диоксидининг регенерацияланиш даражаси пасаяди. Аксинча, юқорироқ босим ва температурада эса регенерация ва қайнатгичларнинг пастки қисми коррозияси кескин ортиб кетади.
Синтез газини углерод диоксидидан тозалаш учун ҳар хил юттиргичлар: Mоноэтаноламин, поташ, трибутилфосфат эритмалари ва бошқалар ишлатилади. энг кўп ишлатиладиган юттиргичлардан бири моноэтаноламин ҳисобланади.
Азот­-водород аралашмасини СО₂ дан моноэтаноламиннинг сувли эритмаси билан тозалаш қуйидаги реакция асосида боради:


2RNН₂ + CО₂ + H2О = (RNН₃)₂CО₃
(RNН₃)₂CО₃ + CО₂ + H₂О = 2RNН₃HCО₃
Бу эрда: R=СН₂-СН₂OH билан боғланган группаси.
Азот-водород аралашмасини углерод диоксидидан моноэтаноламин (МЕА) ёрдамида тозалаш бўлимининг схемаси қуйидаги расмда кўрсатилган. Конвертирланган газ биринчи боскичда 35°С ҳароратда 20%-ли МЕА-нинг сувли эритмаси билан сўғориладиган абсорберга сўнгра 12%-ли МЕА эритмаси билан сўғориладиган иккинчи абсорберга боради. Қолган СО₂ ва СО газларини тозалаш учун каталитик тозалашга юборилади:


СО₂+4Н₂ СН₄+2Н₂О СО+ЗН₂ СН₄+Н₂О
Углерод диоксиди билан туйинган ва иситигичда (3) қиздирилган МЕА эритмаси 112-124°С ҳароратда ва 2,5-3,0 кгс/см² босимда регенерацияланади. Ажралиб чиққан газлар десорбсия газлари (асосан СО₂ газлар) карбамид цехига юборилади. Регенерацияланган МЕА эритмаси совутилиб абсорберга юборилади.
Қуйидаги расмда газларни ва эритмаларни анализ қилиш назорат нуқталари келтирилган. (K1 – K8)
1- va 2- тозалаш босқичга берилган газларнинг таркибидаги СО₂, С_mH_n, О₂, СО, СН₄ миқдори аникланади. ( K1, K2, K3 )
Десорбцияланган СО₂ газининг таркиби (K8) да аниқланади.
Mоноэтаноламин эритманинг таркибидаги СО₂ нинг ва МЭА-нинг миқдори (K4 ва K7) нуқталарда аниқланади.