Laboratoriya ishi-15-16 Marganes (II)-gidroksidini olinishi va xossalari. Marganes (II)-tuzlarining xossalari. Marganes (VI)-birikmalarining xossalari. Kaliy permanganatning xossalari

6. Kaliy permanganatning xossalari
1-tajriba.Qizdirilganda kaliy permanganatni parchalanishi. Probirkada kaliy permanganatni ozgina kristallarini qizdiring. Qanday gaz ajralib chiqayotganini isbotlang. Gaz chiqishi tugaguncha qizdirishni davom ettiring. Sovigandan so‘ng probirkadagi mahsulotni oz miqdordagi suvda eriting. Eritmaning va cho‘kmaning ranggi qanday? Reaksiya tenglamasini yozing.
2-tajriba.Kaliy permanganatning oksidlovchi xossalari.
3 ta probirkaga 1-2 ml dan kaliy permanganat eritmasidan va ozgina suyultirilgan H₂SO₄ dan soling. Birinchi probirkaga Na₂SO₃ eritmasidan, ikkinchisiga - FeSO₄ eritmasidan, uchinchisiga esa oksalat kislotasi eritmasidan qo‘shing (uchinchi probirkani qizdiring). Nima kuzatiladi? Reaksiya tenglamalarini molekulyar va ionli shaklda yozing.
1-2 ml KMnO₄ eritmasiga suv qo‘shing va natriy sulfat eritmasidan soling. Nima kuzatiladi? Reaksiya tenglamalarini molekulyar va ionli shakllarda yozing.
Probirkaga ozgina KMnO₄ eritmasini soling va unga konsentrlangan ishqor, so‘ngra natriy sulfit eritmalaridan qo‘shing, aralashtiring. Eritma rangining o‘zgarishiga va cho‘kma hosil bo‘lishiga e’tibor bering. Reaksiya tenglamalarini molekulyar va ionli shakllarda yozing.
Probirkadagi marganes (II) sulfat eritmasiga tomchilab kaliy permanganat eritmasini qo‘shing. Nima kuzatiladi? Eritmani lakmus qog‘ozi bilan sinab ko‘ring. Reaksiya tenglamasini yozing.
Tajribalarda kuzatilgan xodisalarni tushintiring. Kaliy permanganatni qaytarilishiga reaksiya muhiti qanday ta’sir qiladi?
3-tajriba.Kislotali muhitni oksidlanish tezligiga ta’siri.
Ikkita probirkaga 2-3 ml dan KBr eritmasini soling. Birinchisiga teng hajmda suyultirilgan H₂SO₄, ikkinchisiga - suyultirilgan CH₃COOH eritmasidan qo‘shing. Xar bir probirkaga KMnO₄ eritmasidan 10-15 tomchidan soling. Ikkala probirkadagi eritmalarning rangi bir vaqtda yo‘qoladimi yoki yo‘qmi? Kaliy permanganat bilan oksidlanish tezligiga kislotali muhit qanday ta’sir qiladi? Reaksiya tenglamalarini yozing.