Лаборатория иши №1

Лаборатория иши №1

Натрий гидроксид ишлаб чиқаришдаги эритмаларнинг таҳлили

1.Ишдан мақсад: Сода эритмасини каустификация қилиш орқали ўювчи натрий олиш.

1.1.Жараён тавсифи

Тоза натрий гирооксиди – NaОН, оқ массадан иборат бўлиб, хаводан сув буғи ва карбонат диоксидини сингдириш қобилиятига эга.

Одам терисига натрий гидроксид томчиси тегса, узоқ вақт битмайдиган яра бўлади. Терига муттасил тегибтуриш сурункали экзема хосил қилади. Унинг хаводаги аэрозолини рухсат этилган концентрацияси 0,5 мг/м³.
Сувсиз ишқорни икки хил модификацияси мавжуд: NaОН ромб шаклдаги кристалли ва NаОН – куб шаклидаги кристалли. Зичлиги 2130 кг/м³, оддий моддалардан иссиқлик хосил қилиши 427 кЖ, эриш температураси 328 ⁰С, сув билан қатор кристаолгидратлар хосил қилади. Натрий ишқори саноатнинг жуда кўп соҳаларида ишлатилади. Кимё, нефткимёси, целлюлоза қоғоз, металлургия ва хакозо.
Натрий ишқорини охакли усулда олиш натрий карбонатини охак суви билан каустификациялашга асосланган:
Na₂CО₃+Ca(ОH)₂ → 2NaОH + CaCО₃
Каустиклантириш учун охак суви ўрнига охак берилганда, охак сундириш иссиқлигидан хам фойдаланиш мумкин.
Ушбу жараёнда мувозанатга эришиш температурага боғлиқ. Температура 80 ⁰С бўлганда мувозанат каустификацияланиш даражасига 12 соатда эришилади. 100 ⁰С да 3 соатда эришилади. Ҳарорат 98-100 ⁰С атрофида бўлганда йирик кристалл чўкма СаСО₃ ҳосил бўлиш жараёни тезлашади. Бу эса шламни ишқор эритмасидан ажралишини яхши таъминлайди ва эритма ёпишқоқлиги камайиши хисобига СаСО₃ чўкмага тушиши тезлашади.
Демак, каустификация жараёнини 80 ⁰С дан юқори ҳароратда ва Na₂CO₃ концентрацияси 10-15 % бўлган муҳитда олиб борилади. Бундай шароитда Na₂CO₃ нинг NaОН га айланиши 90 % бўлади.