Лаборатория иши №1. Органик кимё лабораториясида ишлаш қоидалари ва иш журналини тутиш тартиби

2. Кўнгилсиз ҳодисалар содир бўлганда биринчи тиббий ёрдами кўрсатиш.


1. Кислота таъсирида куйган жой аввало мўл сув билан, сўнгра суюлтирилган натрий бикарбонат эритмаси билан ювилади.
2. Ишқорлар таъсирида зарарланган жойни аввал қайта-қайта сув билан, сўнгра эса сирка ёки лимон кислотанинг суюлтирилган эритмаси (3%) билан ювиш лозим.
3. Ёнғин натижасида ёки иссиқлик таъсирида куйган жойни калий перманганатнинг суюлтирилган зритмаси билан ювиш ёки стрептоцид эмулъсияси суртиш лозим.
4. Тери бромдан куйганда, терининг шу жойини кўп микдордаги спирт билан, ёки натрий тиосульфатнинг 15—20% ли эритмаси билан ҳамда мўл сув билан ювиш лозим, сўнгра дори суртиш керак.
5. Тери ўювчи органик бирикмалар билан зарарланганда уни кўп миқдордаги бензол ва спирт билан ювиш керак, чунки органик эритувчилар ўювчи ва захарли моддаларнинг ювилишини тезлаштиради.
6. Кислота буғлари, хлор, бром ёки шунга ўхшашлар билан заҳарланганда
тезда тоза ҳавога чиқиш лозим.
7. Кислота ёки ишқор кўзга сачраса, кўзни аввало кўп сув билан, кейин
соданинг 3% ли эритмаси билан ва охирида бор кислотанинг тўйинган
эритмаси билан ювилади.
8. Реактивлар билан киши организми оғиз орқали заҳарланса, кўп сув
ичиш лозим. Металларнинг тузлари билан заҳарланганда сутли маҳсулотлар ичиш ёки тухум ютиш керак. Йод таъсиридан. Заҳарланганда чой, кофе ёки сода эритмаси, ишқор билан заҳарланганда сирка ёки лимон кислотанинг 2% ли эритмасидан бир стакан, кислотадан заҳарланганда 2% ли сода эритмасидан бир стакан ичиш керак.
9. Фенол таъсиридан куйган жой глицерин шимдирилган пахта билан тери ранги нормал ҳолатга келгунча артилади.
10. Лабораторияда биринчи тиббий ёрдами бериш учун керакли барча
дорилар ва буюмлар: бинт, пластир, спирт, калий перманганат, гигроскопик пахта, новшадил спирт, глицерин, йод эритмаси ва бошқалар бўлиши лозим.
11. Вакуум насос, аралаштиргич, центрифуга ва бошқа шунга ўхшаш
асбоблар билан ишлашда химоя маска ёки кўзойнак тақиш керак. Бундай асбобларга қараб туришни бошқаларга топшириш ёки уларни қаровсиз қолдириш мумкин эмас.
12. Куйиш, жароҳатланиш, захарланишнинг ҳамма ҳолатларида биринчи
тиббий ёрдам берилгандан сўнг тезда яқин ўртадаги тиббий муассасага
мурожаат қилиш лозим.