Laboratoriya ishi №1 Analitik kimyo laboratoriyasida ishlash texnika xavfsizlik koidalari

TITRLASHNING ASOSIY USULLARI
Ishqorni kislota bilan titrlash to`g`ri titrlashga misol bo`la oladi. To`g`ri titrlashda aniqlanayotgan modda titrant bilan to`g`ridan-to`g`ri titrlanadi. Bu usulda analiz qilish uchun bitta eritma etarlidir. Biz aniqlanayotgan komponentni titrlash uchun mos reagentni va kerakli indikatorni yo`qligi yoki reaktsii tezligi sustligi tufayli teskari titrlash yoki almashlab titrlashdan foydalanamiz.

Teskari titrlashda ikkita ishchi eritma kerak bo`ladi: asosiy va yordamchi. Masalan, xlorid ionini kislotali eritmalardan aniqlashda teskari titrlash qo`llaniladi. Xlor ionini aniqlash uchun ortiqcha miqdordagi (asosiy ishchi eritma) AgNO₃ bilan titrlanadi va ortib qolgan AgNO₃ esa NH₄SCN (yordamchi eritma) bilan titrlanadi. Almashlab titrlash usulida aniqlanayotgan komponentni tanlab olingan (almashinish) reaktsiyasi bo`yicha ekvivalent bo`lgan boshqa moddaga almashtiriladi va shu modda to`g`ri titrlash usuli bo`yicha to`g`ri keladigan reagentning standart eritmasi bilan titrlanadi. Masalan, permanganat ionini ekvivalent miqdordagi erkin yod holiga almashtiriladi va standart tiosulfat eritmasi hamda kraxmal yordamida titrlanadi.