Laboratoriya ishi №1 Analitik kimyo laboratoriyasida ishlash texnika xavfsizlik koidalari

TAROZI VA TAROZIDA TORTISH

Kimyo laboratoriyasida qilinadigan ishning xususiyatiga qarab quyidagi tarozilar ishlatiladi:

1. Aniq tortish uchun ishlatiladigan (0,01 g.gacha aniqlik bilan tortadigan), ya`ni texnokimyoviy tarozi.

2. Analitik tarozi (0,0002 g.gacha aniqlik bilan tortadigan).

3. Maxsus tarozilar (0,000001 g.gacha aniqlikdagi probirkali va tortish aniqligi 10^-9-10^-12 g bo`lgan ultramikrokimyoviy tarozi).

Analitik kimyoning miqdoriy makroanalizida eng ko`p ishlatiladigan tarozilar analitik tarozilardir.

Oddiy analitik tarozilar ikki xil:

1. Davriy tebranadigan;

2. Tebranishi davriymas, ya`ni dempferli bo`ladi (dempfer–havo yordamida to`xtadigan moslama).

Analitik tarozi va aniq tarozilarning barcha xillari juda puxta hamda batartib ishlashni talab etadi. Har safar tarozida tortishdan oldin tarozini nolinchi nuqtasini aniqlash kerak. Moddani to`g`ridan-to`g`ri tarozi pallasiga qo`yish yaramaydi. Tortiladigan modda soat oynasi, byuks, tigel yoki boshqa idishlarga solib tortiladi. Tortiladigan moddaning temperaturasi tortish oldida tarozining temperaturasi bilan bir xil bo`lish kerak. Tortiladigan moddani ham, toshlarni ham tarozi pallasining o`rtasiga qo`yish lozim. Analitik tarozida tortishni tezlashtirish uchun tortiladigan moddani avval aniq tarozida tortib, og`irligini taxminan bilib olish va so`ngra analitik tarozida tortish kerak.