Laboratoriya idishlari va asboblari

3-rasm O’lchov kolbalari. Konussimon kolbalar.


Pipetkalar. Suyuqliklarning hajmini juda aniq qilib o‘lchab olish uchun pipetkalar ishlatiladi. Ular shishadan yasalgan silindr shaklida bo‘lib, pastki qismi cho‘zilgan bo‘ladi (4-rasm). Pipetkaning pastki qismi teshigi diametric 1mm. Pipetkaning keng joyidan yuqorirog‘ida belgisi bo‘ladi, suyuqliklar shu belgigacha olinadi. Ko‘pchilik hollarda 5, 10 va 20 ml li pipetkalardan foydalaniladi. Yuqorida tasvirlangandan tashqari, har xil hajmdagi suyuqliklarni o‘lchashda nay ko‘rinishdagi darajalangan o‘lchov pipetkalari ham ishlatiladi.

4-rasm. Pipetkalar.


Byuretkalar. Byuretkalar (5-rasm) har xil hajmli suyuqliklarni quyib olish uchun mo‘ljallangan. Ular uzun silindr nay shaklida bo‘lib, sirtqi tomoni darajalarga bo‘lingan. Odatda 25,50 ml li va millilitrning o‘ndan bir qismigacha darajalangan byuretkalardan foydalaniladi. Byuretkaning pastki qismida suyuqliklarni quyib olish uchun jumrak yoki maxsus moslama o‘rnatilgan bo‘ladi. Byuretkalar asosan titrlashda ishlatiladi.

5-rasm. Byuretkalar.


O’lchov silindrlari va menzurkalar. O‘lchov silindrlari va menzurkalari (6-rasm) qalin shishadan yasalgan idishlar bo‘lib, uncha aniqlikda bo‘lmagan suyuqliklarni o‘lchash uchun ishlatiladi. O‘lchov silindrlari va menzurkalari har xil hajmda - 5, 10, 25, 50, 250, 500, 1000 ml va 2 l gacha bo‘ladi.

6- rasm Silindrlar va menzurkalar


Laboratoriya qizdirish asboblari. Laboratoriyada turli qizdirish asboblari: spirt va gaz gorelkalari, elektroplitkalari, elektr, qum va suv hammomlari, mufel pechlari, quritish shkaflari ishlatiladi (7-rasm).



7-rasm. Qizdirish asboblari.
Qum hammomi ham laboratoriyada sekin, bir tekisda qizdirish va yuqori temperatura (200-3000S) olish uchun foydalaniladi. Qum hammomi ichiga toza va quruq qum to‘ldirilgan metall kosacha yoki tovadan iborat. Qumni kosachaga (tovaga) solishdan oldin yaxshilab qizdirib, organik qo‘shimchalardan tozalaniladi. Qizdirish gaz gorelkasida olib boriladi.