Kuzatuv natijalari Nosirov Nodirjon 18-303

Kuzatuv natijalari

Nosirov Nodirjon 18-303

Hozirgi kunga butun dunyoda yuzaga kelgan Covid-19 pandemiyasi tufayli karantin cheklovlari o’rnatilgan.Bu vaziyat bizning mamlakatimizda ham amalda hisoblanadi,bu bir qator qiyinchiliklarni yuzaga chiqaryotgani hech birimizga sir emas.Shu boisdan men o’qituvchimiz tomonidan yuklatilgan vazifani yashash joyimga eng yaqin joylashgan sport zalida amalga oshirishga majbur bo’ldim va bu haqida qisqacha o’rtoqlashmoqchiman.Men tashrif buyurgan sport zalida penchak silat sport turi bo’yicha mashg’ulotlar olib borilayotgan ekan,murabbiyning ruhsatidan bilan protsessga kirishdim.

Penchak silat sport turi menga notanish bo’lishiga qaramay mashg’ulotlar jarayoni menda juda yaxshi taasurotlar qoldirdi.

Murabbiy mashg’ulotlarni juda qattiqo’llik bilan olib bordi,u yakkahokim sifatida o’zini tutdi va bolalar bilan juda agressiv(sport nuqtayi nazaridan) munosabatda bo’ldi.Mashg’ulot jarayonida murabbiyning juda qattiq talabchanligi gohida qo’rqitishi,bolalarga o’z so’zi va hatti-harakatlarini bolalarga singdirishga harakatlarini guvohi bo’ldim.Bolalar bilan munosabatda ham ortiqcha kulgu va hazillarni juda oz miqdorda uchratdim.Murabbiyda yana o’z ishiga kirishuvchanlik,o’ziga bo’lgan yuqori darajadagi ishonchni sezdim.

Shu guvohi bo’lgan ish protsessimdan keyin murabbiyni avtokrat boshqaruv uslubini qo’llagan holda mashg’ulotni olib borganiga amin bo’ldim. Mashg’ulotlar uncha katta bo’lmagan 10-12-nafar 11-12-yoshli bolalar bilan 40-45-daqiqa mobaynida olib borildi.Bolalarda sportga ayniqsa o’zlari tanlagan penchak silat sport turiga qiziqish juda yuqori darajada.Mashg’ulotlar yuqori saviyada bo’lib o’tdi.

Mashg’ulotlardan so’ng murabbiy bilan biroz suhbatlashishga va o’zimni qiziqtirgan savollarni berishga muvaffaq bo’ldim.Meni birinchi bergan savolim shundan iborat bo’ldiki,nega aynan bu yoshdagi sportga ilk qadamini qo’ymoqchi bo’lgan bolalar bilan avtokrat boshqaruv uslubini qo’llagan holda mashg’ulotlarni olib bordingiz va murabbiy shunday javob berdi:penchak silat sport turi birinchi navbatda tartib-intizomni yuqori darajada talab qiladigan sport turlaridan biri va biz birinchi navbatda bu bolalarda yuqori tartib-intizomni shakllantirib olishimiz muhim deya ta’kidladi murabbiy.So’ngra yana bir savol o’z-o’zidan paydo bo’ldi bu darajadagi qattiqo’llik bolalarni sportdan sovushiga olib kelmaydimi,bunga murabbiy quyidagicha javob berdi sport bu tartib-intizom,agressivlik,tajovuzkorlik ustiga qurilgan va sportchi bo’laman(penchak silat bilan shug’ullanaman) degan har bir yosh bu talablarga turib bera olishi kerak va bu qat’iy tartib intizom me’yorida bo’lishi kerakligi gohida pozitivlik ham muhimligini aytib o’tdi.

So’zining so’ngida murabbiy bolalarga tartib intizom va tanlangan sport turi psixologiyasi singdirilgandan so’ng ular bilan demokratik boshqaruv usulini qo’llagan holda mashg’ulotlar olib borilishi mumkinligini ma’lum qildi va liberal boshqaruv uslubini yoqlamasligini ma’lum qildi.

Xulosa o’rnida shuni aytishim mumkinki bu murabbiyning tanlagan yo’li boshqaruv uslublarini tadbiq qilish borasidagi qarashlari menda ijobiy taasurot qoldirdi.Bu olib borgan izlanishim natijasida o’zim bilgan va bilmagan bir qator faktorlar guvohi bo’ldim va ozginasi bilan bo’lishishga harakat qildim.Boshqaruv uslubidan tashqari mashg’ulot o’tish jarayoni,ketma-ketliklari haqida ham kerakli ma’lumotlarga ega bo’ldim va bu o’ylaymanki kelgusida o’z samarasini bermasdan qolmaydi.Murabbiy bilan do’stona ruhda hayrlashdik va kelgusida hamkorlik qilish bo’yicha kelishib oldik.

E’tiboringiz uchun rahmat.