Кузатиш методи асосида ўқувчиларнинг методик эҳтиёжларини аниқлаш йўллари

1. Дарсни кузатишдан олдинги тайёргарлик:
- дарси кузатилаётган ўқитувчиларни ва мактаб раҳбариятини огоҳлантириш;
- дарс кузатишдан кўзланаётган мақсад ва вазифаларни шакллантириш;
- кузатиладиган дарсни аниқ белгилаб олиш;
- дарс кузатиш тузилмасини тайёрлаш;
- керакли материалларни тайёрлаш; ўқитувчи билан суҳбатлашиш.
2. Дарснинг мақсадларини таҳлил қилишда:
- ўқув фани ва мавзунинг ўзига хос томонлари, ўқувчилар ёши ва билим даражаси эътиборга олинган ҳолда таълим-тарбия мақсадининг тўғри ва асосли қўйилганлиги;
- ўқувчиларнинг тайёргарлиги, ўрганилаётган мавзу бўйича дарслар тизимидаги айнан шу дарснинг ўрнини ҳисобга олган ҳолда мақсад қўйилишининг тўғрилиги ва асосланганлиги;
- дарс асосий ғоясининг тўғри қўйилиши ва ўқувчиларга мақсаднинг етказилиши, мақсадга эришиш даражаси.
3. Дарс тузилмаси ва дарснинг ташкил қилинишини таҳлил қилишда:
- дарс тузилмасининг дарс мақсадларига мослиги;.
- дарс тури ва структурасининг пухта ўйланганлиги;
- дарс босқичларининг мантиқий кетма- кетлиги ва бир- бири билан боғлиқлиги;
- дарс босқичлари учун вақтнинг тўғри тақсимланганлиги;
- ўқитиш шаклларининг тўғри танланганлиги;
- дарс режасининг мавжудлиги ва унинг ўқитувчи томонидан бажарилишини ташкил қилиши;
- дарс жиҳозлари.
4. Дарс мазмунини таҳлил қилишда:
- дарс мазмунининг Давлат таълим стандарти талабларига мослиги;
- материалларнинг тўлиқлиги, тушунарлиги;
- баён қилинаётган материалнинг илмий даражаси;
- дарснинг тарбиявий йўналиши, таълимий таъсир даражаси;
- дарснинг ҳаёт, меҳнат тарбияси ва касбга йўналтириш билан боғланиши;
- ўқувчилар томонидан янги билимларни қабул қилишдаги қийинчиликларни бартараф этиш;
- янги материалнинг асосий ғоясини ажратиш. Янги тушунчаларни шакллантириш. Таянч билимларнинг муҳимлигини кўрсатиш.
5. Ўқувчиларнинг мустақил ишларини ташкил қилиш
- Машқ ва топшириқларнинг хусусиятлари, мустақил ишларнинг турлари, мураккаблик даражаси, ўқувчилар тайёргарлик даражасининг ҳисобга олинганлиги;
- ўқитувчи томонидан тушунтириш ишларининг олиб борилиши;
- ўқитувчининг ёрдами. Янги материалнинг ўзлаштирилганлик даражаси;
- янги мавзунинг олдинги мавзулар билан боғланганлиги. Такрорлаш (ташкил қилиш, шакллари, усуллари, ҳажми).