Kuyish kasalligi

Davolash. Kuyishda birinchi yordam kiyimdagi olovni uchirish va terining kuygan joyiga steril bog’lam qo’yishdan iborat (bunda kuygan joy ustidagi kiyimlar kesib olinadi). Bemorni shikast yetkazmasdan, yo’lda sovqotib qolishidan extiyotlab ko’chirish zarur. Dastlabki soatlarda davolash tadbirlari kuyish shokiga qarshi olib boriladi. Og’riqni qoldiruvchi preparatlar (2 ml 2% li promedol, 2 ml 2% li omnopon va 1 ml dimedrol bilan qo’shib) qo’llanadi. Og’riq kuchli bo’lganda 2 ml droperidol va 1 ml fentayil tavsiya etiladi. Barcha kuyganlarga teri ostiga 1300-3000 ME qoqsholga qarshi zardob qo’llanadi. Shok tibbiy punktida kuyganlarni keyingi bosqichga kuzatish oldidan ular qoniga tuzli zardob urnini bosuvchi dissol, trisol reopoliglyukin, laktasol yuboriladi. Bu eritmalar suv va tuz muvozanati buzilishini, asidozining oldini oluvchi va bartaraf etuvchi miqdorda, (ya'ni 40(K800 mg dan) tayinlanadi. Agar kuyish shoki bo’lsa, qo’shimcha 60-90 mg prednizolon tomirga yuboriladi. Asidozani bartaraf etish maqsadida laktasoldan tashqari 150-200 ml 5% natriy gidrokarbonat qo’llanadi. Buyrak faoliyati buzilishining oldini olish uchun 150- 300 ml 5% li mannitol ham tavsiya etiladi. Plazma va gemodez quyiladi. Bir kunda 3-4 litr suyuqlik yuboriladi. Suv almashinuvini doimo nazorat etib borib, kuniga 2 litr suyuqlik ajralib chiqishini ta'minlash kerak. Shuningdek glyukozaning izotonik eritmasi ishlatiladi. Kamqonlikda bir necha marta eritrositlar massasi 100-200 ml dan 3-5 kun o’tkazib quyiladi. Qon zardobi har kuni 200-400 ml dan yuboriladi.

Mahalliy davolash usullari: Yirik pufaklar qoldirilib, yiringlaganlari. kesiladi. Yara usti ehtiyotkorlik bilan quritilib, ustiga moyli balzamli yoki streptosit emulsiyasi shimdirilgan steril bog’lam bog’lab qo’yiladi. Sharoit bo’lmaganda, kuygan joy keyinroq tozalanib, ustiga tezda steril bog’lam yopiladi. Keyinchalik, bemor maxsus jarrohlik shifoxonalariga kuchirilgach, kuygan joyga tananing kuymagan terisi kuchirib o’tkaziladi.