Kuvanova Shahnoza Omonovna nemis tili fanidan mukammal qo‘llanma

Als, als ob, als wenn, wie wenn – bog‘lovchilari bir-biriga sinonimdir. Ulardan als va als ob gapda ko‘proq uchraydi. Als, als ob, als wenn, wie wenn – bog‘lovchilari bilan kelgan ergash gap komponentlarining tarkibi boshqa ergash gaplardan farq qilmaydi.
Er sieht so aus, als ob er krank wäre (sei).
Noreal qiyos ergash gapli qo‘shma gaplarning bosh gapida aniqlik mayli, ergash gapida esa konyuktiv qo‘llanadi. Noreal qiyos ergash gaplarda konyuktivning zamon formalari nisbiy zamon ma’nosiga ega bo‘ladi. Ergash gapdagi ish harakat bosh gapdagi ish harakat bilan bir paytda ro‘y berganda ergash gapda prezens yoki imperfekt konyuktiv ishlatiladi.
Sie schaute ständig aus dem Fenster, als könnte sie ihre Toten im Himmel sehen...(Emina Sevgi Özdamar. Mein Istanbul )
U tez-tez derazadan qarardi, go‘yo ularning ruhlari bilan osmonda uchrashmoqchi bo’layotganday…
Ergash gapdagi ish harakat bosh gapdagi ish harakatdan avval ro‘y berganda ergash gapda perfekt yoki plyuskvamperfekt konyuktiv qo‘llanadi.
Ergash gapdagi ish harakat bosh gapdagi ish harakatdan keyin ro‘y berganda ergash gapda konditsionalis-I yoki wollen modal fe’lining prezens yoki imperfekt konyuktivi qo‘llanadi.
Das Kind schneidet ein Gesicht, als würde es bald weinen (als wollte es weinen).
3. Proportsional qiyos ergash gap bosh gapga je…desto, je…um so kabi bog‘lovchilar orqali birikadi. Bunda bosh va ergash gaplar bir biriga proportsional munosabatda bo‘ladi. Ikkala gap sostavida ham qiyosiy darajadagi sifat yoki ravish qo‘llangan bo‘ladi.
Je lauter das Kind weinte, um so schwieriger wurde es seine Worte zu verstehen.
Bola qanchalik baqirib yig‘lasa, uni so‘zlarini tushunish shunchalik qiyinlashardi.
Je nachdem bog‘lovchisi bilan kelgan qiyos ergash gaplar ham bosh gap bilan teng munosabatda bo‘lsada, bog‘lovchi faqat ergash gap tarkibida keladi.
Je nachdem er jetz handelt, wird die Sache ein gutes oder ein schlechtes Ende nehmen.
Real qiyos ergash gaplarda odatda aniqlik mayli qo‘llanadi. Agar real qiyos ergash gap mazmunidan shart mayli anglashilsa, konyunktiv qo‘llanadi.