Kuvanova Shahnoza Omonovna nemis tili fanidan mukammal qo‘llanma

Ohne daß bog‘lovchili ravish ergash gaplar ohne…zu + infinitiv gruppasiga sinonimdir. Agar ma’lum ega vazifasida qo‘llangan so‘zning o‘zi ham bosh gapda, ham ergash gapning egasi bo‘lib kelgan bo‘lsa, ravish ergash gap o‘rnida ohne …zu + Infinitiv gruppasini ya’ni zu li infinitiv I yoki II + predlog ohne dan tashkil topgan infinitiv oboroti qo‘llanadi.
Er sitzt, ohne daß er ein Wort sagt.
U bir so‘z aytmasdan o‘tiribdi.
Er sitzt, ohne ein Wort zu sagen.
Bordi-yu bosh va ergash gaplarning egasi har xil so‘zlar bilan ifodalangan bo‘lsa, ravish ergash gapni ohne ...zu + Infinitiv gruppasi bilan almashtirib bo‘lmaydi.
Er ging fort, ohne daß wir es bemerkt hätten.
Indem va wobei bog‘lovchilari ham ravish ergash gapni ham payt ergash gapni bosh gapga bog‘lash uchun xizmat qiladi. Agar ular bosh gapdagi ish-harakatning qanday, qay tarzda amalga oshishini ifodalasa, ravish ergash gap, bajarilish paytini anglatsa, payt ergash gap bo‘ladi.
Yuqorida berilgan bog‘lovchilardan indem bog‘lovchisi wobei bog‘lovchisiga qaraganda ko‘proq qo‘llanadi.
Indem wir fleißig lernen,erfüllen wir unsere Pflicht vor der Heimat.
Yaxshi o‘qib,biz vatanimiz oldidagi burchimizni bajaramiz.
Agar ravish ergash gapdagi hol boshqa hol bilan almashilsa unda ravish ergash gap (an) statt daß bog‘lovchisi bilan boshlanadi. Bunday ergash gapda kesim konyuktivning plyuskvamperfekt zamon formasida qo‘llanishi mumkin.
Statt daß er zu seiner alten Mutter gefahren wäre, kam sie zu ihm.
Agar ergash gapda statt daß bog‘lovchisi qo‘llansa u ko‘pincha statt… zu+infinitiv guruppasiga sinonim bo‘lib keladi.
Statt zu seinen Eltern zu fahren (-statt daß er zu seinen Eltern gefahren wäre), fuhr er in den Kaukasus.
Shunday qilib, ravish ergash gaplar ikki xil bo‘lib, ulardan biri tasdiq, ikkinchisi inkor (positive und negative Modalsätze) ravish ergash gaplardir. Tasdiq ravish ergash gap (positiver Modalsatz) indem, wobei, daß bog‘lovchlari bilan bog‘lanib keladi. Bosh gapda dadurch korrelati qo‘llanadi.
Wir helfen den Bauern, indem wir ehrlich arbeiten.
Halol mehnat qilib, biz dehqonlarga yordam qilamiz.