Kutubxonaning asosiy yo’nalishlari va vazifalari

Kutubxona jamg‘armasini shakllantirish va saqlash bo‘yicha:

-olingan hujjatlarga texnik ishlov berishni tashkil qiladi;

-jamg‘arma tarkibini va undan foydalanishini o‘rganadi va tahlil qiladi;
-ochiq olinadigan kutubxona jamg‘armasining saqlanishi bo‘yicha oldindan tadbirlarni belgilaydi, hujjatlarning o‘z vaqtida qaytarilishi uchun choralar ko‘radi;
-jamg‘armaning to‘g‘ri joylashtirilishini kuzatib boradi;
-kitobxonlarga berilgan hujjatlar ustidan nazoratni ta'minlaydi;
-kutubxonada va saqlash xonlarida xavfsizlik texnikasi, sanitariya, yong‘inga qarshi xavfsizlik qoidalariga rioya qilinishini kuzatib boradi va kutubxona jamg‘armasi saqlanishi ustidan nazoratni amalga oshiradi;
-maktab kutubxonalari uchun kutubxona–bibliografik klassifikasiyasiga muvofiq hujjatlarning sistemali-alifboli joylashtirilishini ta'minlaydi;
-kutubxona jamg‘armasini tokchali va harfli ajratkichlar, tokchali va stendli ko‘rgazmalar yordamida rasmiylashtiradi;
-kutubxonaning kitob va boshqa jamg‘armalariga kitobxonlarning (foydalanuvchilarning) aybi bilan va kitoblar kamomadi, ularni yo‘qotish yoki buzish bilan bog‘liq yetkazilgan zararni o‘rnatilgan tartibda undirib olish choralarini ko‘radi;
-darsliklar fondini saqlash bo‘yicha ishlashni ta'minlaydi.
Yangi axborot texnologiyalarini joriy qilish va rivojlantirish bo‘yicha

-Internetdan foydalanish yoki magnitli axborot tashuvchilarni, fleshkalarga kiritish yo‘li bilan elektron resurslarning (elektron katalog, elektron darsliklar, ertaklardan mul'timedia, maqolalar, jurnallar kabilarning to‘ldirilishiga) muntazam yordam ko‘rsatadi;
-Internet resurslar, ZiyoNet (Kitob.uz, Taqvim.uz va telegram ilovasida Kutubxonachi https://t.me/bolalarkutubxonasi saytlar mavjud) tarmog‘idan qog‘ozli va elektron ko‘rinishda har kuni foydalanishni hisobga olish jurnalini yuritadi.
Hamkorlik bo‘yicha:

-Jamoatchilik, mahallalar, jamoat tashkilotlari, mahalliy o‘zini o‘zi boshqarish organlari, madaniy markazlar bilan hamkorlikda madaniy, ta'limiy, axborot va boshqa dasturlarni amalga oshirish uchun o‘zaro hamkorlik olib boradi;

-kutubxona faollarini shakllantiradi, pedagog xodimlar va o‘quvchilarning ota-onalari bilan ishlarni olib boradi;
-boshqa kutubxonalar, ARMlar, boshqa tizimlar va idoralarning kutubxonalari bilan aloqalar o‘rnatadi va olib boradi.