Курс кисми: Умумий патологик анатомия

Яллигланиш ва организмни узгарган реактивлиги

Яллигланишга алокадор организм реакцияларини 3 тури фарк килинади.
1. Олдиндан сенсибилизациялашмаган одам ва хайвонлар организмида – тукимани нормергик яллигланиш реакцияси вужудга келади. Яллигланиш кузгатувчисини таъсири билан тукимани жавоб реакцияси ва кучи бир-бирига мос (адекват) булади.
2. Олдиндан сенсибилизацияланган, шу сенсибилизация туфайли реактивлик хусусиятлари узгариб колган одам ва хайвонлар организмида тукимани гиперергик яллигланиш реакцияси вужудга келади (организмни аллергик реакцияси).
Мисоллар: умумий анафилактик реакция, махаллий анафилактик реакция ёки Артюс феномени.
3. Одам ва хайвонларда тукимани гипоергик яллигланиш реакцияси суст булиб, узок утиши, альтерацияни устун туриши ва хужайра инфильтрацияси хамда пролиферациясини деярлик бутунлай булмаслиги билан таърифланади. Бу заифлашиб колган касалларида, ташки мухит омилларни таъсирига мослаша олмаган ёш болаларда кузатилади.
Кандай булмасин бирор тукима ёки аъзодаги яллигланишни ифодалаш учун купчилик холларда аъзо ёки тукиманинг лотинча ва грекча номига «itis», узбекча номига эса «-ит» кушимчаси кушиб айтилади. Масалан: плеврани яллигланиши – плеврит, буйракни яллигланиши - нефрит, жигарни яллигланиши - гепатит, мускулларни яллигланиши - миозит, терини яллигланиши – дерматит сузи билан ифодаланди.
Баъзи аъзоларни яллигланиши факат мазкур тукима ёки аъзога хос булган махсус иборалар билан белгиланади. Тамокни яллигланиши ангина (грекча ancho - босаяпман деган суздан олинган), упкани яллигланиши пневмония, баъзи бушликларнинг яллигланиб, уларда йирингни тупланиши – эмпиема деб аталади, масалан, плеврани, чувалчангсимон усимтани, ут пуфаги, гаймор бушлигини эмпиемаси. Соч фолликуласи ва ёнидаги ёг бези билан тукимани йирингли яллигланиши фурункул деб аталади. Илик ва суякни яллигланиши – остеомиелит, лимфа тугунчаларини яллигланиши – лимфаденит, лимфа томирлари деворларини яллигланиши – лимфангити деб юритилади.