Kurs jumisi

Temaniń aktualliǵı. Búgingi kún oqıtıw protsessiniń tiykarğı talaplarınıń biri óz betinshe erkin pikirley alatuğın bárkamal áwladtı tárbiyalaw bolıp tabıladı. Sebebi óziniń erkin pikiri bar insan ğana óz watanın, óz ideyaların, ózi ushın muqaddes bolğan túsiniklerdi qorğay aladı hám oğan sadıq bolıp qala aladı. Usı pazıyletlerdi tárbiyalawda tálim protsessinde, ol ulıwma bilim beretuğın orta mektep boladı ma, joqarı oqıw ornı boladı ma, oqıtılatuğın hár bir pán óziniń ayrıqsha ornın iyeleydi. Sol pánlerdiń ishinde, ásirese, insannıń ruwxıy jetilisiwinde ayrıqsha orın iyeleytuğın, onıń joqarı ideyalarğa qaray umtılıwın támiynleytuğın pánlerdiń biri ádebiyat bolıp tabıladı. Ózbekstan Respublikasınıń Prezidenti Sh.M.Mirziyoev “En` baslisi, perzentlerimizdi jasliq waqittan baslap kitapqa mehr qoyiw, erkin pikir juritiw, qıyın turmis jag`daylarında tu`wrı juwap tabiw konikpelerin payda etiwimiz, bunin` ushın tiysli sho`lkemlestiriw jumisların a`melge asiriwimiz da`rkar¹” – degen edi.

Mekteplerdegi kóp sanlı qaraqalpaq ádebiyatınan sabaq beriwshi muğallim kadrlar, tek joqarı oqıw orınlarındağı ózleriniń oqığanlarındağı lektsiya kursınıń konspektlerine, Ózbekstan Respublikasındağı ulıwma ádebiyattı oqıtıwdıń barısına, pedagogikalıq tájiriybelerge, jańa pedagogikalıq texnologiyanıń jetiskenliklerine ğana súyenip keldi. Solay etip, bul xalıq bilimlendiriw máselelerindegi jan ashırlıq mashqalalardıń sheshiliwi uzaqqa sozılıp ketpewi tiyis.

Úzliksiz bilimlendiriw tereń, hár tárepleme tiykarlı tálim-tárbiya beriw, qánige kadrlar tayarlawdıń hár qıylı forma, usıl, qural, metodika hám bağdarlarınıń jetik uyğınlığınan ibarat bolıp tabıladı. Úzliksiz bilimlendiriw sapasın hár qıylı komponentler ortasındağı óz-ara baylanıslılıq, belgili bir usıllar hám metodlardıń bilimlendiriw protsessine aqılğa muwapıq engiziliwi támiynleydi.
Bilimlendiriwdiń búgingi kúndegi wazıypası oqıwshılardı kún sayın artıp baratırģan informaciyalıq-bilimlendiriw ortalıģı shárayatında óz betinshe iskerlik kórsete alıwģa, informatsiya ağımınan oqıwģa muwapıq paydalanıwğa úyretiwden ibarat.

Ózbekstan Respublikası demokratiyalıq, huqıqıy hám puxaralıq jámiyetin qurıw jolınan baratırğan bir dáwirde bilimlendiriw tarawında ámelge asırılıp atırğan reformalardıń bas maqseti hám háreketke keltiriwshi kúshi hár tárepleme rawajlanğan bárkamal insandı tárbiyalawdan ibarat bolıp tabıladı.