Kurs ishining yozilish tartibi

---

KURS ISHINING YOZILISH TARTIBI 
Kurs ishi reja asosida yoziladi. Mazkur rejani adabiyotlardan izlangan holda 
talaba mustaqil tuzadi va rahbari tomonidan qo‘shimcha, o‘zgartirishlar kiritilgan 
holda tasdiqlanadi. Kurs ishi rejasi kirish, uchta yoki to‘rtta savol (band), xulosa, 
foydalanilgan adabiyotlar ro‘yxatidan iborat bo‘ladi (3-ilovaga qarang). Ishning 
hajmi 35-40 varaq hajmida bo‘lishi tavsiya etiladi. Agar ishda ilovalar keltirilsa, 
ular ko‘rsatilgan hajmga kirmaydi. Kurs ishida kamida 3 ta jadval va kamida 2 ta 
rasm, adabiyotlar ro‘yxati 15 tadan kam bo‘lmasligi tavsiya etiladi. Kurs ishini 
yozishda yangi ma‘lumotlardan foydalanish zarur. Kurs ishida ba‘zi bir so‘z 
birikmalari qayta-qayta kelishi ko‘zda tutilsa, ushbu so‘z birikmalarini birinchi 
yozilishida to‘liq yozish va so‘z birikmasi tugashi bilan qavs ochib, ushbu so‘z 
birikmasining qisqartma ko‘rinishini keltirish kerak. So‘ng, ushbu so‘z birikmasi 
qaytarilsa, qisqartma ko‘rinishini yozish mumkin. Masalan, Xalqaro valyuta fondi 
(XVF), Osiyo taraqqiyot banki (OTB), to‘g‘ridan-to‘g‘ri xorijiy investitsiyalar 
(TTXI) va boshqalar. 
Ishning 
kirish qismi
da kurs ishi mavzusining dolzarbligi asoslanadi, ishning 
maqsadi va vazifalari, predmeti va obyekti, ma‘lumot bazasi aks ettiriladi. 
Mavzuning dolzarbligini asoslashda O‘zbekiston Respublikasi Prezidenti 
Sh.Mirziyoyev asarlari va ma‘ruzalaridan iqtibos keltirish maqsadga muvofiqdir.
Foydalanilgan adabiyotlar
 
– bu kitob (darslik, o‘quv qo‘llanma, uslubiy 
qo‘llanma), jurnal, tezislar to‘plami, huquqiy - me‘yoriy hujjatlar va internet 
saytlarining asosiy ma‘lumot ko‘rsatkichlari (nashriyot nomi va yili, h.k.) 
ro‘yxatidir. Barcha ilmiy ishlarda, shuningdek, kurs ishida ham foydalanilgan 
ma‘lumotlar manbai va adabiyotlar ro‘yxatini keltirish majburiy shartlardan biridir.
Adabiyotlar ro‘yxatini keltirishda tavsiya etiladigan ketma ketlikka rioya etish 
shart (3-ilovaga qarang). Foydalanilgan adabiyotlar ro‘yxatini ko‘pi bilan 2-3 
varaq hajmda keltirish tavsiya etiladi.