Kurs ishining kirish qismida mavzuning dolzarbligi, ishning o‘rganganlik darajasi, kurs ishining maqsad va vazifalari, ishning nazariy va uslubiy asoslari ko‘rsatib berilgan

Kirish

Kurs ishi mavzusining dolzarbligi. Personal motivatsiyasida ish va uning tahlili turli xil shakllari mavjud bo‘lib, korxona rahbari ularni o‘z o‘rnida va to‘g‘ri qo‘llay bilsagina natija va samaraga erishadi. Boshqaruv jarayonida rag‘batlantirish shakllari moddiy va nomoddiy ko‘rinishlarda amalga oshiriladi va uning natijasida xodim va korxona maqsadlarini uyg‘unlashtirish, xodimlarning jonbozlik ko‘rsatib faoliyat olib borishlari va boshqa bir qancha ijobiy yutuqlarga erishiladi.
Mamlakatimizda olib borilayotgan ijtimoiy va iqtisodiy islohotlar natijasida iqtisodiyotni rivojlanishini alohida ta‘kidlab o‘tish zarur. Prezident Shavkat Mirziyoyev tomonidan 2022 yil 28 yanvarda “2022-2026 yillarga moʻljallangan Yangi Oʻzbekistonning taraqqiyot strategiyasi toʻgʻrisida”gi PF-60-son Farmonini tasdiqladi. Shu jumladan milliy iqtisodiyotning mutanosibligi va barqarorligini ta‘minlash, uning tarkibida sanoat, xizmatlar ko’rsatish sohasi, kichik biznes va xususiy tadbirkorlik ulushini ko’paytirish, xizmatlar ko’rsatish sohasini jadal rivojlantirish, yalpi ichki mahsulotni shakllantirishda xizmatlarning o’rni va ulushini oshirish, ko’rsatilayotgan xizmatlar tarkibini, eng avvalo, xizmatlarning zamonaviy yuqori texnologik turlari hisobiga tubdan o’zgartirish zarurdir¹.
Yuqorida etib o‘tilgan barcha sohalarda insonlar, mehnatkashlar faoliyat yuritadilar. Agar mamlakatimizdagi korxona va tashkilotlarning rahbarlari xodimlarni o‘z vaqtida mehnatiga yarasha adolatli rag‘batlantirib tursalar, o‘sha joyda mehnat unumdorligi oshadi ish jarayoni samarali kechadi. Ma‘lumki, korxona tarkibida turlicha shaxsiy va kasbiy xususiyatga ega individlar mehnat faoliyatini olib borishadilar. Mazkur individlar o‘rtasidagi har doim yuzaga kelib turuvchi turlicha ziddiyatlarni bartarf etib borish, ularni jipslashib faoliyat ko‘rsatishga undaydigan muhitni yaratish menementdagi asosiy vazifalardan hisoblanadi. Korxonada xodimlari motivatsiya tizimini takomillashtirishning nazariy va amaliy asoslarini chuqur bilish, tashkilotlarda boshqaruv faoliyatini rivojlantirish va xizmat ko‘rsatish samaradorligini oshirishga yordam beradi. Bular esa mavzuning dolzarbligini belgilaydi.