Kurs ishida, reproduktiv tizim fiziologiyasi haqidagi barcha ma’lumotlar ilmiy asoslangani yoritilgan

Denov tadbirkorlik va pedagogika instituti Aniq va tabiiy fanlar fakulteti III bosqich talabasi Ergashev Husniddin tomonidan “Reproduktiv tizm fiziologiyasi” mavzusidagi kurs ishiga
TAQRIZ
Reproduktiv salomatlik insoniyat taraqqiyotida, umumiy salomatlikning bir qismi bo’lib, markaziy zvenoni egallab kelmoqda.U barcha–barchaga erkaklar va ayollarga, bolalar va o’smirlarga ham taaluqli bo’lib, ularning butun oilaviy hayotini, uni qanday tashkil etishni, ushbu masalaga oid bo’lgan barcha axborot, ma’lumotlardan xabardor bo’lishni, homiladorlik va undan saqlanishning xavfsiz usullari, kontraseptiv vositalar va ulardan foydalanish, ular bilan bog’liq masalalarda sog’liqni saqlash tizimi xizmatidan to’laqonli va erkin foydalanish huquqini, xar bir insonning o’z reproduktiv huquqi mavjudligini, oilasida tug’ilajak farzandining sog’lom bo’lishini taminlashi shart va zarurligini anglatadi.Ushbu masalada yetarlicha bilim va ko’nikma, malakaga, tibbiy savodxonlikka ega bo’lmagan inson o’z hayotida ko’pgina muammolarga duch kelishi, turli kasalliklarga chalinishi eng ayanchlisi o’zidan keyingi zuryodi farzandining sog’lig’iga ta’sir qilishi nogiron farzand dunyoga kelishi yoki o’zidan zuryod qoldirolmasligi yani bepushtlik kabi xastaliklarga chalinishi mumkin.Aynan shuning uchun ham bugungi kunda aholining reproduktiv salomatligini muxofaza qilish masalasi nafaqat sog’liqni saqlash tizimining balki davlat,jamiyatning muhim vazifalar sirasiga kiradi.
Kurs ishida, reproduktiv tizim fiziologiyasi haqidagi barcha ma’lumotlar ilmiy asoslangani yoritilgan.
Talaba Ergashev Husniddin yozgan kurs ishi 3 bob kirish, nazariy qism, foydalanilgan adabiyotlar ro’yxati va ilovalardan iborat bo’lib, rejaga asosan yozilgan. Kurs ishining kirish qismida mavzuning dolzarbligi va maqsadi, amaliy ahamiyati ochib berilgan. Kurs ishi rejaga ko’ra o’zbek tilida yozilgan bo’lib 30 betni tashkil etadi.
Kurs ishining asosiy qismida reproduktiv tizim fiziologiyasi haqida ma’lumot berilgan.
Olingan natijalar statistik jihatdan keraklicha muhokama qilingan va xulosalar keltirilgan. Ilmiy adabiyotlar ro’yxati va mundarija keltirib o’tilgan.
Kurs ishi ayrim kamchiliklardan holi emas. Jumladan ba’zi orfografik xatolarga yo’l qo’yilgan.
Yuqoridagi kamchilik ishning mazmuniga ta’sir etmaydi. Ushbu kurs ishi DTS tomonidan kurs ishlari uchun qo’yilgan barcha talablarga javob beradi va uni ijobiy baholayman hamda himoyaga tavsiya etaman.


Taqrizchi:_______________________________________ Imzo_________