Kurs ishi mavzu:“Prosopografiya yardamchi tarix fani” Kurs ishi himoyasiga ruxsat berildi

Mavzuning o`rganilganlik darajasi. Respublikamizda prosopografiya sohasida jiddiy ishlar olib borish, O‘rta Osiyolik tarixiy shaxslarni chuqur va to‘laqonli o‘rganish yo‘lga qo‘yilgan. Fanning bu sohasi yangi tashkil topayotgan soha hisoblanadi. Bu sohada keng ilmiy izlanishlar olib borilmoqda va shu orqali tarixga xolis baho berilmoqda. Mavzu shu kungacha ko‘plab olimlar tomonidan o‘rganilgan bo‘lib, ularni G‘arb va Sharq prosopografiyasini o‘rgangan olimlar turiga ajratsak to‘g‘ri bo‘ladi. G‘arb ya’ni Yevropa olimlariga britaniyalik tarixchi Lorens Stoun (1919-1999), Antuan du Verdier, M. Arnxaym, A. Chastagnol, fr. T. Barnes kabi tarixchi olimlarni ko’rsatishimiz mumkin. Sharqda esa o’rta asrlardan tarixiy shaxslarni o’rganish va ular haqida qiziqarli ma’lumotlarga ega bo’lishga intilgan. Markaziy Osiyolik tarixchilar, arab tarixchilari bu borada salmoqli ishlar olib borganlar. Jumladan Mirxond, Xondamir va shu kabi ko’plab yurtimiz tarixchilari tarixiy shaxslarni boy manbalar asosida yoritib o’tishgan. Bundan tashqari Sharqda arab tarixchilari ham tarixiy shaxslarimiz haqida atroflicha ma’lumotlasr qoldirgan. Bularga Amir Temur shaxsi va faoliyati haqida bevosita ko’rgan va bilganlarini yozgan Ibn Arabshoh va Ibn Xaldunlarni misol qilib ko’rsatishimiz mumkin. Ushbu yordamchi tarix sohasi yevropalik va rus olimlari shuningdek arab va markaziy osiyolik tarixchilar tomonidan chuqur o’rganilmoqda.
Kurs ishining maqsadi va vazifalari.Bu mavzuni o’rganish va yoritishdan maqsadim,prosopografik manbalarning tarixshunosligi, o'rganilganlik darajasi va tariximizni ochib berishdagi ahamiyatini o'rganish. Prosopografiyaga oid manbalarni batafsil o`rgangan holda imkon qadar mufassal ochib berish, tarixiy ajdodlarimiz shaxsi tarixi haqida ko`proq va aniqroq ma`lumotlar jamlanmasiga ega bo`lishdir. Zero, bu orqali nafaqat O’zbekiston tarixi, balki butun Markaziy Osiyo davlatlari tarixi,siyosati, ijtimoiy – iqtisodiy hayoti, madaniyati va falsafasini o`rganish va o`zbek tarixshunosligida shu yo‘nalishda yaratilayotgan ilmiy ishlar bazasini ko‘paytirish mumkin.Bu masalalarni ilmiy-nazariytahlil qilish jarayonida quyidagi vazifalarni bajarish maqsadga muvofiq debhisoblandi.

1. 
   Mavzuga doir olimlarning bu mavzu doirasidagi ilmiy ishlari, asarlari va maqolalarini o`rganib chiqish;
   
2. 
   Prosopografiya oid Markaziy Osiyo olimlarining mavjud asarlarini o`rganish va tadqiq qilish;
   
3. 
   Tarixiy shaxslarga oid bahsli va muammoli masalalarni ochib berish;
   
4. 
   Turli xil fikrdagi olimlarning fikrlarini, yozgan asarlarini taqqoslab o`rganish.