Kurs ishi mavzu: bozor iqtisodiyotida o`tishda o`zbek modeli va uning o`ziga xos xususiyatlari

2.3 Bozor iqtisodiyotiga o’tishda O’zbekiston iqtisodiy taraqqiyot
ko’rsatkichlari tahlili
Mamlakatimizda ijtimoiy ishlab chiqarishni, qo’shma va xususiy tadbirkorlikni, xalqaro savdo-sotiqni rivojlantirishning iqtisodiy-moliyaviy mexanizmlari, huquqiy va moddiy asoslari yaratilgan. Ularning to’la ishlashi, davlat va maxalliy byudjetlarni, ijtimoiy fondlarni mablag’ bilan ta’minlash imkoniyatlari kengaymokda. Bular masalaning asosiy tomoni. Uning boshqa muhim tomoni ham bor: jamiyatda yaratilgan moddiy ne’matlarni taqsimlash va qayta taqsimlash, ularning ixtiyoridagi vosita va mablag’larni aniq maqsadga yo’naltirish va bu borada xudbinlikka yo’l qo’yilmasligi kerak. Eng asosiysi, Prezidentimiz Islom Karimov ta’kidlaganidek, faqat uyushgan bozorgina xalqning ijodiy va mehnat imkoniyatlarini ochib bera oladi, boqimandalikka xotima beradi, tashabbuskorlik va ishbilarmonlikni rivojlantira oladi, rag’batlantirishni va yuqotilgan egalik tuyg’usini qayta tiklaydi.
Muhimi, kishilarimizning huquqiy madaniyatini yanada oshirib borish lozim. Ana shundagina ular o’zlarining huquq va burchlarini to’laroq anglaydi, qonunbuzarliklarning oldi olinadi. Qonun ustuvor joyda esa adolat barqaror bo’ladi.