Kurs ishi Mavzu : Oqish darslarida badiiy matnlarni tahlil qilish asosida iqtisodiy tarbiya berish. Topshirdi : Egamberganova Shodiya Qabul qildi : Tilavava Munavvara Baholash : Urganch 2022 mundarija kirish

III.Xulosa
IV.Foydalanilgan adabiyotlar ro‘yxati.


Kirish.
Dunyoqarashni nima o‘zgartiradi – ilm, daromad, manfaat.O‘zbekisto Respublikasi Prezidenti Shavkat Mirziyoyev MiromonovichIstiqlol yillarida mamlakatimizda yoshlarga Ta’lim-tarbiya berish, har tomonlama barkamol avlodni voyaga etkazish davlat siyosatining ustuvor yo‘nalishiga aylandi. Prezidentimiz I.Karimov tashabbusi bilan ishlab chiqilgan “Ta’lim to‘g‘risida” gi Qonun, “Kadrlar tayyorlash milliy dasturi” asosida farzandlarimizni bilimni, yuksak salohiyatli, jismonan, ruhan va ma'nan etuk insonlar etib tarbiyalashning yaxlit mexanizmi shakllantirildi. Ta’lim tizimida amalga oshirilayotgan tub isloxotlar natijasida bunyod etilgan zamonaviy o‘quv maskanlarida yoshlarning chuqur bilim olishi, kasb egallashlari uchun barcha shart-sharoitlar yaratildi. Ta’lim jarayoni tubdan o‘zgarmoqda. Har bir o‘quvchining qiziqishi, qobiliyati, bilim olish salohiyati inobatga olangan holda Ta’lim jarayoniga zamonaviy pedagogik usullar joriy etilmoqda. Bundan ko‘zlangan asosiy maqsad – yoshlarni shaxs sifatida shakllantirish, ongini o‘stirish, dunyoqarashini boyitishdir. Zero, yoshlarning ma’naviyatini yuksaltirish, ularda e'tiqod, Vatan tuyg‘usini kamol toptirish tarbiyaning ustuvor yo‘nalishlaridandir. Boshlang’ich sinf o’quvchilarida milliy qadriyatlar va vatanga muhabbat tuyg’usini shakllantirishda badiiy adabiyotning o’rni juda beqiyos. O’quvchilarning badiiy adabiyotga bo’lgan qiziqishini oshirish, yoshlarni kitobga ixlosmand etsh bugungi kunning eng dolzarb masalasidir. Badiiy asarlar o’quvchining dunyoqarashini kengaytirib, ma’naviyatini oshiribgina qolmasdan, balki, unda tarbiya turlarini, shu jumladan, iqtisodiy tarbiyani qaror toptirishga yordam beradi.
Kichik yoshdagi o’quvchilarga tavsiya etilgan adabiyotlar ularni tejamkor bo’lishga, tezkor va mantiqiy fikrlashga o’rgatadi. Zero, bugungi kunning yoshlari aynan shunday bo’lishi zarur. Biz yangi iqtisodiy, ijtimoiy sharoitda faqat bilimli kishilarni emas, balki ijodkor, tadbirkor kishilarni ham yetkazib berishimiz lozim. «Bilimli kishi» bilan «tadbirkor kishi» orasida farq bor, albatta. Bilimli shaxs bilimga ega bo‘lsa ham, lekin bilimini har vaqt ham amaliy faoliyatda qo‘llay olmaydi. Tadbirkor shaxs esa faqat bilimli bo‘lib qolmasdan, balki egallagan bilimini sharoitga mos ravishda qo‘llay olish ko‘nikmalariga ham egadir. Shuning uchun bilimlining bilimi omborda yotgan sara urug‘ bo‘lsa, tadbirkorning bilimi yerga ekilgan dondir.
Arab maqolida «Olumun bilo amalin, kasabhobu bilo motarin» deb aytiladi. Ma'nosi: ilmini amalda qo‘llay olmagan olim yomg‘irsiz bulutdir, u quyoshni to‘sadiyu boshqa hech narsa bermaydi. Tadbirkor bilimini har daqiqada ishga soladi va undan samara oladi. Bugungi kunning o’quvchisi aynan shunday b’lishi lozim.