Kurs (ishi) loyihasi

Mundarija

1	Kirish.......................................................................................
2	Xom ashyo va tayyor mahsulot tavsifi...................................
3	Texnologik jarayonni nazariy asoslari.....................................
4	Texnologik sxemani bayoni.....................................................
5	Uskunalarni tanlash va hisoblash.............................................
6	Texno-kimyoviy nazorat..........................................................
7	Foydalanilgan adabiyotlar.......................................................

KIRISH
Chorvachilikni sanoat negizida yanada rivojlantirish xo‘jaliklarda vujudga keltirilayotgan ozuqa bazasining faqat miqdorini emas, balki sifat tarkibini ham yaxshilashni talab qilmoqda.
Ozuqa bazasi tarkibida barcha kerakli biologik aktiv va oziq moddalar bo‘lgan, mollarni to‘ydirib boqishni ta’minlaydigan yuqori sifatli em-xashakdan iborat bo‘lishi kerak. Mollarni to‘yimli va sifatli emlar bilan boqishni va em-xashakdan foydalanish samaradorligini oshirishni tashkil etish chorva mollari mahsuldorligini oshirishning eng yaxshi natija beradigan omilidir. Chunki mahsulot etishtirish uchun qilingan sarflar tarkibining 60% ini va undan ham ko‘proq qismini em-xashak tashkil etadi.
Turli ozuqalardan to‘g‘ri tanlab olingan omixta emlar to‘la qimmatli bo‘ladi, chunki bir xil ozuqada bo‘lmagan moddalar ikkinchi xil ozuqada bo‘ladi va shunday qilib, bir-birining o‘rnini to‘lvizib, to‘la qimmatli ozuqa hosil qiladi va bu aralash emning oziqlik qiymati ayrim ozuqadan yoki bir xil aradashma ozuqadan yuqori bo‘ladi. Omixta em sanoatining o‘ziga xos xususiyati xilma-xil komponentlaridan, turli xil retseptlardan foydalanib, jonivorlarning turi va yoshini hisobga olgan holda tayyor omixta em mahsulotlarini ishlab chiqarishdir. Omixta em-bu jonivorlarni to‘liq oziqlanishini ta’minlaydigan, ilmiy asoslangan retseptlar bo‘yicha chiqarilgan bir xil tarkibli murakkab aralashmadir. Qishloq xo‘jaligida chorvachilik, yilqichilik, qoramolchilik, parrandachilik, quyon boqish, mo‘ynachilik va baliqchilik sohalarini rivojlantirishda omixta em sanoatining o‘rni va ahamiyati beqiyosdir. Omixta em mahsuloti jonivorlar uchun nihoyatda zarur bo‘lgan uglevodlar, oqsillar, moylar, vitaminlar, mineral moddalar bilan ta’minlaydi hamda etishtirilayotgan go‘sht-sut, tuxum va boshqa turdagi muhim oziq-ovqat mahsulotlarining sifatiga bevosita ta’sir etadi.
Mamlakatimiz rahbari mustaqilligiga erishish, don mahsulotlariga bo‘lgan talab-ehtiyojni respulikaning o‘zida etishtirilgan hosil hisobiga qondirish masalasini muhim strategik vazifa qilib qo‘ydilar. Bu esa donni qayta ishlash sanoatini ham rivojlantirish, tizim korxonalari ishini tubdan o‘zgartirish talabini kun tartibiga qo‘ydi. Yurtboshimiz 1994 yil 22 aprelda imzolangan “O‘zdonmahsulot” davlat konsernini “O‘zdonmahsulot” davlat aksiyadorlik korporatsiyasiga aylantirish to‘g‘risidagi farmoni, unda belgilib bergan maqsad va vazifalar tarmoqda misli ko‘rilmagan o‘zgarish va yuksalishlarga turtki bo‘ldi. Eng avvalo, tizim tasarrufidagi korxonalarning mulkchilik shakli o‘zgarib, aksariyat korxonalar aksiyadorlik jamiyatlari sifatida faoliyat yurita boshladi. Donni saqlash, qayta ishlash, mahsulot ishlab chiqarish borasidagi jarayonlarga zamonaviy xorijiy texnologiyalar kirib keldi. Mehnat jamoalarining barchasi endilikda ishga yangicha ruh, yangicha munosabat bilan yondoshmoqdalar. Korxonalarda yana shu narsaga ahamiyati berilyaptii, endi omixta em mahsulotlari zamonaviy talablar darajasida sifatli bo‘libgina qolmay, ularning to‘yimliligi, tarkibidagi ozuqa moddalarning belgilangan miqdorda etarli bo‘lishi nazorat qilinmoqda. Chorva mollari, parrandalar va baliqlarning rivojnishida muhim hisoblangan, tarkibidagi protein moddasi mavjud bo‘lgan omixta em endilikda granula shaklida, ya’ni qumoqlangan holda sotuvga chiqarilayapti.