Курс иши “Кончилик иши асослари”

МАВЗУ: Қалмоқир конида юк ташиш қобилияти 220 ва 130 тонна бўлган автосамосвалларни қўлланилишининг солиштирув таҳлили .
Қалмақир карьерининг қурилиши 1954 йилда бошланган ва 1959 йилда эксплуатация қилишга топширилган. 1959-2002 йиллар давомида бир неча бор карьерни реконструкция қилиш лойиҳалари тузилган бўлиб, охирги лойиха 2002 йилда тузилган.
Бу лойиҳада руда кондитцияси қайта кўрилган, карьернинг йиллик ишлаб чиқариш унумдорлиги 30 млн. тонна ва ишлаш муддати 2070 йилгача қилиб белгиланган.
Ҳозирги вақтда карьернинг параметрлари қуйидагича:

• 
  ер юзи бўйича узунлиги 4200 м;
  
• 
  кенглиги 1800 м;
  
• 
  энг юқори белгидан карьер тубигача чуқурлиги 470 м;
  
• 
  карьер бортлари қиялик бурчаги 35 – 40⁰;
  

Карьернинг йилик унумдорлиги:

• 
  кон массаси бўйича 31 000 минг м³;
  
• 
  қоплама жинслар бўйича 19400 минг м³;
  
• 
  руда қазиб олиш бўйича 30 000 минг т;
  
• 
  очиш коэффициенти 1.8 м³/м³
  

Қалмақир конининг геологик структураси чўкинди, магматик ва метоморфик кон жинсларидан ташкил топган.
Кон жинсларининг қаттиқлик коэффициенти профессор М.М. Протодьяконов шкаласи бўйича 6-10 дан 14 гача ўзгаради. Сулфит рудаларининг зичлиги 2,6÷2,8 т/м³, кон жинсларининг зичлиги эса 2,4÷2,6 т/м³. Руда ва кон жинсларининг кўпчиш коэффициенти 1,5 га тенг.
Қалмақир карьери кон жинслари портловчанлик кўрсаткичи бўйича, дарздорлик даражасини ҳисобга олган ҳолда уч категорияга бўлинади:
I – категория – осон портлайдиган жинслар (кучли дарздор сиенитлар, иккиламчи жараёнлар натижасида ўзгарган гранодиорит-порфирлар) М.М.Протодьяконов шкаласи бўйича бу жинсларнинг қаттиқлик коэффициенти 6-8 ни ташкил қилади.
II – категория ўртача портловчан жинслар (майда ва ўртача дарздор сулфид рудалар, иккиламчи гранодиорит – порфирлар, ўзгарган сиенитлар кварцланган сиенит-диоритлар, сиенитлар ва сиенит-диоритлар ҳамда рудаланган сулфидлардан ташкил топган иккиламчи кварцитлар). Буларнинг қаттиқлик коэффициенти 8-12 га тенг.
III – категория – қийин портлайдиган жинслар (зичлиги юқори, сийрак дарзликка эга бўлган йирик блокли иккиламчи кварцитлар), қаттиқлик коэффициенти 10-14.
Қолмақир кони учта карьер билан қазиб олинади: Конни очиш, Шарқий ва Марказий карьерлар, амалда эса ҳар уччала карьер битта карьер ҳисобланади. Очиш ва фойдали қазилмани қазиб олиш ишлари ҳозирги вақтда 25 та поғонада олиб борилади. Улардан 16 тасининг баландлиги лойиҳа бўйича – 15 м, 9 тасиники эса – 22,5 м. Поғоналарнинг қиялик бурчаги 70-80⁰.