Kurashchilarning texnik-taktik mahorati

Kurash musobaqasida ishlatiladigan iboralar va ishoralar



1. «TANISHING» - kurashchilar gilamga chiqib kelganlaridan keyin o`rtadagi xakam chap yoki o`ng qulini kurashchi tomoniga qaratib «tanishing» degan iborani baland ovozda aytadi. E`lon qiluvchi xakam esa kurashchilarni tanishtiradi. (Bu ishora olishuvda galaba qilgan kurashchiga nisbatan ham ishlatiladi).




2. «TA`ZIM» — kurashchilar o`ng qo`llarini chap ko`ksida tutgan xolda bir-birlariga buyin va gavdani egib salomlashish uchun ishlatiladigan ibora. Bu iborani ishlatganda xakam ikkala qo`lini kaftlari bilan oldinga qaratgan xolda yon tomonga ochib, keyin barmoqlari yuqoriga qaragan xolda balanddan bukib, qo`llarini ichkariga aylantirish ishorasini qiladi, bu vaqtda ikkala qo`lning barmoqlari bir-biriga uchma-uch xolga kelishi kerak.

3. "O`RTAGA" - bu suz ikkala kurashchini bir-birlariga yaqinlashib, xalol, mardona olishishlariga undovchi suz.

Xakam qo`llarini ikki tomonga yoygan xolatda va shu xolatni tuxtatmasdan o`rtaga ishorasini ko`rsatadi, ya`ni qo`l kaftlarini bir-biriga qaratib, yelka kengligiga olib keladi.

4. «KURASH» — kurashchilar bir-birovlariga ta`zim qilib salomlashgandan keyin olishuvni boshlash uchun xakam tomonidan ishlatiladigan Ibora. Xakam o`ng qo`lini kaftlari bilan yon tomonga qaratgan xolda tirsakdan bir oz bukib ishora qiladi.

5 . «TUXTA» — olishuv davom etayotgan vaqtda olishuvni tuxtatish uchun ishlatiladigan ibora. Bu vaqtda xakam ung qo`lini kafti bilan oldinga qaratgan xolda (barmoqlar bir joyga jipslashgan) oldinga chuzib ishora qiladi.