Kuntartibi

Ikkinchi masala: Har bir professor-o’qituvchilar ijro intizomiga qat’iy amal qilishi, darslarga o’z vaqtida kelib ketishlari hamda o’zlariga tegishli bo’lgan hujjatlarni o’z vaqtida yuritib borishlari haqida aytib o’tildi. Ishchi o’quv dasturlarini, shaxsiy ish rejalarni tayyorlash to’g’risida ham to’xtalib o’tildi. Bugungi kunda Institut “Ijro.gov.uz” ijro intizomi idoralararo yagona elektron tizimiga to‘liq ulangan bo‘lib, O‘zbekiston Respublikasi Prezidenti hujjatlari va topshiriqlari ijrosi faqat ushbu tizim orqali tizimli ravishda nazorat qilib borilmoqda. Har bir mas’ul rahbar va xodimning javobgarlik mas’uliyatini oshirish, vazifalar ijrosini shaxsiy mas’uliyat, mustahkam intizom, tashabbuskorlik asosida tashkil etish orqali samaradorlikka erishish hamda ijro intizomi, hujjatlar va murojaatlar bilan ishlash tizimini yanada mustahkamlash choralarini ko‘rish bo‘yicha asosiy vazifalar sifatida belgilab olingan. Bir so‘z bilan aytganda universitetda qonunchilik hujjatlari va topshiriqlar ijrosini ta’minlash va monitoring olib borishning amaliy tizimi yaratilgan.
Uchinchi masala: Kafedradagi barcha professor-o’qituvchilar tomonidan ochiq darslarni sifatli hamda zamonaviy ped texnologiyalar asosida o’tkazish va o’zaro darslarga kirishning tashkil etishi to’g’risida gapirib o’tildi. Kafedradagi professor-o’qituvchilar dars o’tish jarayonida ustoz-shogird an’anasida sodiq qolgan holda, o’z malakalarini oshirib borish maqsadida o’zaro tajriba almashib borish to’g’risida ham fikrlarini bildirib o’tdilar.
Jumladan, Oliy ta’lim muassasalarida ochiq leksiyalar o‘quv rejadagi barcha fanlardan o‘tkazilishi mumkin. Umumkasbiy va ixtisoslik fanlaridan o‘tkaziladigan ochiq leksiyalarga alohida e’tibor berish tavsiya etiladi. Ochiq leksiyalarni o‘tkazish to‘g‘risidagi taklif professor, dotsent yoki ayrim hollarda katta o‘qituvchi lavozimida faoliyat ko‘rsatayotgan professor-o‘qituvchilar, shuningdek, professor va dotsent ilmiy unvonlariga da’vogarlik qilayotgan pedagog kadrlar tomonidan o‘quv semestri boshlanishiga qadar kafedra mudiriga ma’lum qilinadi. Taklifda o‘quv semestri mobaynida o‘quv rejadagi muayyan fan, mavzu, talabalar kursi va akademik guruhlari, shuningdek, darslar jadvaliga muvofiq ochiq leksiya o‘tkaziladigan kun, joy va vaqt ko‘rsatiladi. Kafedra mudiri, ochiq leksiyaga taklif etilishi mumkin bo‘lgan tajribali pedagoglar yetakchi olim va yuqori malakali mutaxassislar (tashqi ekspertlar) ro‘yxatini tuzadi hamda belgilangan jadval shaklida ochiq leksiyaga oid zarur ma’lumotlarni oliy ta’lim muassasasi o‘quv ishlari bo‘yicha prorektoriga topshiradi. Ochiq leksiyalarni o‘tkazish to‘g‘risidagi kafedralar takliflari, oliy ta’lim muassasasi bo‘yicha umumlashtirilib, rektor tomonidan tasdiqlanadi va o‘quv semestri boshida Oliy va o‘rta maxsus ta’lim vazirligiga ma’lumot uchun taqdim etiladi. Ochiq leksiyaning matni (yoki uning qisqa mazmuni - tezislari), avvaldan o‘rnatilgan tartibda barcha talaba va taklif etilganlar (ekspertlar)ga tarqatilgan bo‘lishi shart. Ochiq leksiya, odatda, ikki akademik soatga mo‘ljallanadi. Lektor, savol va javoblar uchun, kamida 5 daqiqa vaqt zahirasiga ega bo‘lishi tavsiya qilinadi. Leksiya mavzusi, uslubi, texnik vositalari lektor tomonidan ixtiyoriy tanlanadi.
Qolaversa yig’ilish mobaynida, yurtimiz ro’y berayotgan katta siyosiy jarayonda ya’ni 24-oktabrda bo’lib o’tadigan prezidentlik sayloviga jiddiy e’tibor qaratishlari hamda ushbu siyosiy jarayonda faol ishtirok etishlari to’g’risida ham to’xtalib o’tildi.